سرفراز احمد کو ٹیسٹ کپتانی دینے کا فیصلہ Sarfaraz as Test Captain
The news is by your side.

Advertisement

سرفراز احمد کو ٹیسٹ فارمیٹ کی کپتانی دینے کا فیصلہ

لاہور: پی سی بی نے سرفراز احمد کو تیسرے فارمیٹ ٹیسٹ کرکٹ ٹیم کی قیادت دینے کا فیصلہ کرلیا۔

ذرائع کے مطابق مصباح الحق اور یونس خان کی ٹیسٹ کرکٹ سے ریٹائرمنٹ کے بعد پاکستان کرکٹ بورڈ کی جانب سے تاحال ٹیسٹ ٹیم کی قیادت سونپنے کے لیے کسی بھی کھلاڑی کے نام کا اعلان نہیں کیا گیا۔

آئی سی سی چیمپئنر ٹرافی میں شاندار کارکردگی اور قائدانہ صلاحیتیں دکھانے کے بعد پاکستان کرکٹ بورڈ نے سرفراز احمد کو ہی ٹیسٹ کرکٹ ٹیم کی کپتانی دینے کا حتمی فیصلہ کرلیا ہے۔

پڑھیں: آئی سی سی چیپمئنز ٹرافی ٹیم کا اعلان، سرفرازاحمد کپتان مقرر

اطلاعات ہیں کہ سرفراز احمد کو اگلے ماہ پی سی بی کے گورننگ بورڈ اراکین کے اجلاس کے بعد کپتانی دینے کا باضابطہ اعلان کرلیا جائے گا۔ دوسری جانب شہریار خان کی مدتِ ملازمت بھی اگلے ماہ ختم ہوجائے گی وہ 19 جولائی کو ہونے والے اجلاس کی آخری صدارت کریں گے۔

یاد رہے کہ ٹیسٹ کرکٹ سے مصباح الحق اور یونس خان کی ریٹائرمنٹ کے بعد جب شہریار خان سے کپتانی دینے سے متعلق سوال کیا گیا تو انہوں نے وکٹ کیپر سرفراز احمد کو اس کا اہل قرار دیا تھا۔

Comments

comments

یہ بھی پڑھیں