The news is by your side.

Advertisement

اپوزیشن اتحاد آج گوجرنوالہ میں سیاسی قوت دکھانے کو تیار

گوجرانولہ : حکومت کے خلاف اپوزیشن اتحاد آج گوجرنوالہ میں سیاسی قوت دکھانے کو تیار ہے ، پاکستان ڈیموکریٹک موومنٹ نے جناح اسٹیڈیم میں پنڈال سجالیا، جس میں مولانا فضل الرحمان ، بلاول بھٹو اور مریم نواز خطاب کریں گے۔

تفصیلات کے مطابق گوجرانوالہ میں اپوزیشن اتحاد کا سیاسی پاورشوآج ہوگا ، پی ڈی ایم کے جلسے کی کی تیاریاں مکمل کر لی گئیں، جناح سٹڈیم میں اسٹیج تیارکر لیا گیا ہے جبکہ کارکنوں کے لیے دس ہزار کرسیاں لگائی گئی ہیں۔

گوجرانوالہ جلسے سے مولانا فضل الرحمان،بلاول بھٹو زرداری،مریم نواز شریف اور ویڈیو لنک سے میاں نواز شریف خطاب کریں گے، اپنے خطابات میں اپوزیشن رہنما مہنگائی اوربےروزگاری میں اضافے پر حکومت کو کڑی تنقید کا نشانہ بنائیں گے۔

قائدین کے اسٹیج کے علاوہ میڈیا کے لیے ایک الگ سٹیج بنایا گیا ہے جبکہ جناح سٹیڈیم کے آٹھ دروازوں میں سے ایک دروازے سے قائدین ، ایک سے میڈیا جبکہ تین سے کارکن جلسہ گاہ آئیں گے، جن میں سے ایک خواتین کارکنوں کے لیے مختص کیا گیا ہے۔

جلسہ کے موقع پر کورونا ا ایس او پیز پر سختی سے عملدآمد کروایا جائے گا، جلسہ میں آنے والے کارکنوں کا ٹمپریچر چیک کیا جائے گا اور کسی بھی کارکن کو بغیر ماسک یا بغیر سنیاٹزر جلسہ گاہ میں داخل نہیں ہونے دیا جائے گا۔

اس موقع پر پولیس کی طرف سے سیکیورٹی کے سخت انتظامات کیے گئے ہیں، دو ہزار کے قریب پولیس اہلکار سیکیورٹی کے فرائض سر انجام دیں۔

ضلعی انتظامیہ کے مطابق جلسہ دوپہرتین بجےشروع ہوگا اور رات بارہ بجےتک اسے ختم کرنا ہوگا۔ معاہدے کی خلاف ورزی پرجلسہ انتظامیہ کے خلاف مقدمات درج کیے جائیں گے۔

دوسری جانب بلاول بھٹوزرداری نےلالہ موسیٰ کواپنی سرگرمیوں کامرکزبنالیا ہے ، بلاول بھٹو کےاعزازمیں آج قمرزمان کائرہ کی طرف سے ظہرانہ دیاجائےگا، بلاول بھٹو ظہرانےکےبعد2بجےپریس کانفرنس کریں گے ، پریس کانفرنس کےبعدبلاول بھٹوگوجرانولہ جلسہ کیلئےروانہ ہوں گے۔

جیالے بلاول بھٹو کےساتھ جلسہ گاہ جانےکےلئےلالہ موسیٰ پہنچناشروع ہوگئے ہیں، بلاول بھٹو وزیرآبادبائی پاس پراستقبالیہ ریلی سےبھی خطاب کریں گے

Comments

یہ بھی پڑھیں