The news is by your side.

’غلامی قبول نہیں، آقا اورغلام کے تعلق کا انکار کرتے ہیں‘

کوئٹہ: جمعیت علما اسلام (ف) اور پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان کا کہنا ہے کہ ہم آقا اور غلام کے تعلق کا انکار کرتے ہیں ہمیں غلامی قبول نہیں ہے۔

اے آر وائی نیوز کے مطابق پی ڈی ایم کے سربراہ مولانا فضل الرحمان نے میڈیا سے گفتگو کرتے ہوئے کہا کہ ہم وسائل کے اختیارات کی بات کرتے ہیں اور صوبے کے عوام کو وسائل کا مالک سمجھتے ہیں۔

فضل الرحمان نے کہا کہ ملکی خود مختاری کے حوالے سے امریکا، یورپ کو بھی کہنا چاہتے ہیں کہ دوستی کے لیے تیار ہیں۔

انہوں نے کہا کہ ہمارا راستہ جدوجہد اور جمہوریت کا ہے، ہم پاکستانی آئین، قانون کے دائرے میں رہ کر کام کررہے ہیں۔

مزید پڑھیں: سابق وزیر اعلیٰ بلوچستان نواب اسلم رئیسانی جے یو آئی (ف) میں شامل

واضح رہے کہ گزشتہ روز پاکستان تحریک انصاف کی رہنما زرتاج گل وزیر نے مطالبہ کیا تھا کہ فضل الرحمان کے نام کے ساتھ ’مولانا‘ کا لفظ ہٹا دیا جائے۔

انہوں نے ایک بیان میں سوال اٹھایا تھا کہ فضل الرحمان نے خواتین کے خلاف نازیبا الفاظ استعمال کیے، کیا الیکشن کمیشن نے انہیں نوٹس بھیجا؟

سابق وزیر مملکت کا کہنا تھا کہ ان کی پارٹی کا تو خواتین ونگ ہی نہیں ہے، ان کی پارٹی کو سیاست کرنے کا حق نہیں ہونا چاہیے۔

Comments

یہ بھی پڑھیں