The news is by your side.

Advertisement

مالاکنڈ جلسہ: پی ڈی ایم کارکنوں کا اے آر وائی نیوز کی ٹیم پر تشدد

مالاکنڈ: خیبر پختون خوا کے ضلع مالاکنڈ کے شہر بٹ خیلہ میں پی ڈی ایم کارکنوں نے جلسے کے دوران اے آر وائی نیوز کی ٹیم پر حملہ کر کے انھیں تشدد کا نشانہ بنایا۔

تفصیلات کے مطابق پاکستان ڈیموکریٹک موومنٹ کے مالاکنڈ جلسے کے دوران مشتعل افراد نے اے آر وائی نیوز کے عملے کو زد و کوب کیا، مشتعل افراد نے ڈی ایس این جی وین پر پتھر پھینکے اور ڈنڈے برسائے۔

پی ڈی ایم کارکنان کے حملے اور تشدد سے بچنے کے لیے اے آر وائی ٹیم کے ارکان نے خود کو ڈی ایس این جی میں بند کر دیا، تاہم مشتعل افراد نے گاڑی پر ڈنڈے برسانا شروع کر دیا۔

اس دوران مالا کنڈ جلسے میں اسٹیج سے کارکنوں کو عدم تشدد کی تلقین بھی ہوتی رہی، تاہم مشتعل افراد کو قابو نہ کیا جا سکا، اور انھوں نے آر وائی نیوز کی ٹیم کو زد و کوب کیا۔

بعد ازاں اے آر وائی نیوز کی ٹیم کو جلسہ گاہ سے بھی باہر کیا گیا، مظاہرین نے اے آر وائی کے خلاف نعرے بازی بھی کی، اور کیمرہ مین آپریٹر کو تشدد کا نشانہ بنایا۔

Comments

یہ بھی پڑھیں