تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

جلسے کے شرکا خود کو 14 دن تک قرنطینہ کر لیں: یاسمین راشد

لاہور: صوبائی وزیر صحت ڈاکٹر یاسمین راشد کا کہنا ہے کہ پی ڈی ایم کے جلسے سے پنجاب میں کرونا وائرس کے خطرناک پھیلاؤ کے خدشات بڑھ گئے ہیں، جلسے کے شرکا خود کو قرنطینہ کر لیں۔

وزیر صحت پنجاب نے اپنے بیان میں کہا کہ آئندہ پنجاب میں کرونا وائرس کے پھیلاؤ کی مکمل ذمہ داری پی ڈی ایم کی قیادت کے سر پر ہوگی۔

ڈاکٹر یاسمین راشد کا کہنا تھا مینار پاکستان جلسے میں شرکت کرنے والا ہر شخص اپنے اہل خانہ کو کرونا وائرس سے بچانے کے لیے خود کو اگلے 14دن کے لیے قرنطینہ میں محدود کر لے۔

انھوں نے مزید کہا حکومت کرونا وائرس کے بڑھتے ہوئے کیسز کے پیش نظر پی ڈی ایم کی قیادت کو جلسہ کرنے سے روکتی رہی، لیکن اپوزیشن نے اپنے کارکنان کی زندگیاں داؤ پر لگا دیں۔

وزیراعظم عمران خان :‌ ’پی ڈی ایم جو بھی کرلے، این آر او نہیں دوں گا‘

ڈاکٹر یاسمین نے کہا پی ڈی ایم نے سیاست چمکانے اور کرپشن چھپانے کے لیے کارکنان کی صحت پر جان لیوا حملہ کیا ہے، صحت کی دشمن پی ڈی ایم کو عوام کبھی معاف نہیں کرے گی۔

واضح رہے کہ آج مینار پاکستان میں پاکستان ڈیموکریٹک موومنٹ کا جلسہ منعقد ہوا، تاہم گیارہ جماعتوں پر مشتمل اپوزیشن بھی جلسہ گاہ کو بھرنے میں ناکام رہی، اور لاہوریوں نے پی ڈی ایم کے مؤقف کو مسترد کر دیا۔

Comments

- Advertisement -
حسن حفیظ
حسن حفیظ
حسن حفیظ ایک نوجوان صحافی ہیں اور اے آر وائی نیوز لاہور کے لئے صحت، تعلیم اور ایوی ایشن سے متعلق خبریں رپورٹ کرتے ہیں