تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پی ڈی ایم میں شامل جماعتوں نے الیکشن ملتوی کرانے کی مہم کا آغاز کردیا

لاہور : جے یو آئی نے انتخابات مؤخر کرانے کیلئے اہم شاہراہوں پر پینا فلیکس آویزاں کردیئے، پینا فلیکس پر محسن نقوی کی تصویر کے ساتھ ‘پہلے احتساب پھر انتخاب’ کے نعرے تحریر ہیں۔

تفصیلات کے مطابق پی ڈی ایم میں شامل جماعتوں نے الیکشن ملتوی کرانے کی مہم کا آغاز کردیا ہے۔

جے یو آئی نے انتخابات مؤخر کرانے کیلئے اہم شاہراہوں پر پینا فلیکس آویزاں کردیئے ، محسن نقوی کی تصویر سے مزین پینا فلیکس پر "پہلے احتساب پھر انتخاب” کے نعرے تحریر ہیں۔

پینا فلیکس مولانافضل الرحمان کے ساتھی بلال میر کی جانب سے لگائے گئے ، پینا فلیکس پرنگراں وزیراعلیٰ کی تصویر کے ساتھ بلال میرکی بھی تصویرآویزاں ہے۔

مولانافضل الرحمان عام انتخابات کومؤخرکرنے کی تجویز پہلے ہی دے چکے ہیں۔

گذشتہ روز وزیراعظم شہبازشریف سے آصف زرداری اورمولانافضل الرحمان کی ملاقات ہوئی تھی ، جس میں ملکی سیاسی صورتحال سمیت پنجاب اورکے پی سےمتعلق حکمت عملی پرمشاورت کی گئی۔

ذرائع کا کہنا ہے کہ ملاقات میں آئندہ انتخابات نئی ڈیجیٹل مردم شماری کے بعد کرانے پر غور کیا گیا۔

پیپلز پارٹی اور جمعیت علمائے اسلام کی اعلیٰ قیادت کی ملاقات ہوئی ہے جس میں عام انتخابات سے متعلق نئی حکمت عملی پر غور کیا گیا۔

Comments

- Advertisement -