The news is by your side.

Advertisement

پی ڈی ایم کی صورت میں تیسرا دشمن سامنے آگیا، شبلی فراز

اسلام آباد: وفاقی وزیر اطلاعات شبلی فراز کا کہنا ہے کہ پی ڈی ایم پلیٹ فارم سے آزاد بلوچستان کے نعرے کی شدید مذمت کرتے ہیں، اویس نورانی کے بیانیےکی کڑی دشمن سےملتی ہے۔

تفصیلات کے مطابق اسلام آباد میں پریس کانفرنس کرتے ہوئے وزیر اطلاعات نے پی ڈی ایم کے کوئٹہ جلسے میں حکومت مخالف تقریروں پر ردعمل کا اظہار کرتے ہوئے کہا کہ ان چوروں نے ذاتی مفاد کے لئےاداروں کو داؤ پرلگادیا ہے، اثاثےکیسے بنائے، بیروں ملک پیسہ کیسےبھیجا، ان سوالات کےجواب کے دینے کے بجائے ملک میں ایک طوفان برپا کردیاگیا ہے، مگر ہم پاکستان کو ان چوروں سےآزاد کرائیں گے۔


پی ڈی ایم رہنما اویس نورانی کی تقریر پر شبلی فراز نے افسوس کا اظہار کرتے ہوئے کہا کہ اویس نورانی نے جلسے میں آزاد بلوچستان کا نعرہ لگایا، کوئی پاکستانی ایسی بات نہیں کرسکتا، اویس نورانی نےجو بات کی مقدمہ تو ان سب پربنتا ہے۔

یہ بھی پڑھیں:  پی ڈی ایم رہنما اویس نورانی بھارتی زبان بولنے لگے

سینیٹر شبلی فراز نے کہا کہ فوج خلاف ہرزہ سرائی سے دشمن کے بیانیےکو سپورٹ کیا جارہا ہے،دشمن نےجو کچھ بلوچستان میں کیا ان کےبیانیےسےلگتاہے یہ شریک ہیں، ہمارےجو دشمن ہیں اس کا تیسراحصہ نہیں مل رہاتھا، اب پی ڈی ایم کی شکل میں مل گیا ہے، اب بھارت، اسرائیل اور پی ڈی ایم ہمارے دشمن ہیں۔

وزیر اطلاعات کا مزید کہنا تھا کہ عمران خان نےتو پہلے ہی کہہ دیاتھا یہ چور ایک ہوجائیں گے میں اکیلا رہوں گا، عمران خان ایک اشارہ کردے آئیں بات کرتے ہیں تو یہ بھاگےآئیں گے،عمران خان ملک کو چوروں سےبچائیں گے، اور ادارے مضبوط کرینگے، ملک سے معاشی غداری کرنے والوں کو عمران خان نہیں چھوڑےگا۔

شبلی فراز نے کہا کہ بلاول بھٹو ہماری سیاست میں ایک تفریح کاسامان پیدا ہوا ہے، بلاول والد سے کیوں نہیں پوچھتےکہ عوام سے روٹی کپڑامکان کیوں چھین لیا، ان کو عوام، ملک سے کوئی دلچسپی نہیں ان کا سب کچھ باہرہے۔

Comments

یہ بھی پڑھیں