site
stats
اہم ترین

افغانستان کا امن خطے کی سلامتی کےلیے بہت اہم ہے‘ خواجہ آصف

Khawaja Asif

بیجنگ: وزیرخارجہ خواجہ آصف کا کہنا ہے کہ چین اور پاکستان اس بات پر متفق ہیں کہ افغانستان میں امن سے ہی خطے میں امن لایا جا سکتا ہے۔

تفصیلات کے مطابق چینی وزیرخارجہ سے ملاقات کے بعد مشترکہ پریس کانفرس کرتے ہوئے وزیرخارجہ خواجہ محمد آصف نے کہا کہ پاک چین تعلقات باہمی اعتماد پرمبنی ہیں جبکہ پاکستان ون چائنہ پالیسی کی حمایت کرتا ہے۔

وزیرخارجہ خواجہ آصف نے کہا کہ دورہ چین کا مقصد افغانستان کےمسئلےکےسیاسی حل کےلیے تبادلہ خیال ہے۔

افغانستان سے متعلق بات کرتے ہوئے خواجہ آصف کا کہنا تھا کہ افغانستان کا امن خطے کی سلامتی کےلیے بہت اہم ہے۔ انہوں نے کہا کہ افغانستان کے مسئلے کا فوجی حل نہیں ہے۔


خطے کی بدلتی صورت حال میں پاکستان کے ساتھ ہیں‘ چینی وزیرخارجہ


انہوں نے کہا کہ ہم پاک چین اور افغانستان کے تعلقات میں مضبوطی کے لیے چین کی کوششوں کی حمایت کرتے ہیں اور دہشت گردی کے خلاف دونوں ملکوں نے ایک دوسرے کے ساتھ بھرپور تعاون کیا ہے۔

سی پیک کے حوالے سے بات کرتے ہوئے وزیرخارجہ خواجہ آصف کا کہنا تھا کہ سی پیک علاقائی اوربین الاقوامی تجارت کےمواقع فراہم کرے گا۔ انہوں نے کہا کہ سی پیک کوکوئی خطرہ لاحق ہوا تو بھرپور جواب دیں گے۔

واضح رہے کہ خواجہ آصف کا کہنا تھا کہ افغانستان میں امن کےلیے افغان قیادت سے تعاون جاری رکھیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top