پشاور میں فائرنگ،پولیو افسر جاں بحق -
The news is by your side.

Advertisement

پشاور میں فائرنگ،پولیو افسر جاں بحق

پشاور: خیبرپختونخوا کے دارالحکومت پشاور میں نامعلوم موٹر سائیکل سوار مسلح افراد نے فائرنگ کرکے پولیو افسر کو جاں بحق کردیا۔

تفصیلات کے مطابق سینئر پولیس افسر نے بتایا کہ پشاور میں جاری انسداد پولیو مہم کے دوران ڈاکٹر ذکاء اللہ خان کو مسلح افراد نے ان کے گھر کے قریب نشانہ بنایا۔

انسداد پولیو مہم کے صوبائی ترجمان امتیاز احمد نے واقعے کی تصدیق کی کہ نامعلوم مسلح افراد کی فائرنگ سے ڈاکٹرذکاءاللہ جان کی بازی ہار گئے۔

دوسری جانب کالعدم جماعت الحرار نے ڈاکٹر ذکاء اللہ پر حملے کی ذمہ داری قبول کی ہے۔گروپ کے ترجمان احسان اللہ احسان نے ایک جاری بیان میں خبردار کیا کہ وہ مزید حملے کریں گے۔

یاد رہے کہ پولیو مہم رضاکاروں کے خلاف ملک میں 2012 سے جاری حملوں میں اب تک 100 سے زائد رضاکار اور پولیس اہلکار ہلاک ہوچکے ہیں۔

واضح رہے کہ رواں سال اپریل میں کراچی میں انسداد پولیو مہم کے دوران 7 پولیس اہلکار ہلاک ہوگئے تھے۔

Comments

comments

یہ بھی پڑھیں