The news is by your side.

لیجنڈ فٹ بالر پیلے آئی سی یو منتقل

ساؤ پالو: برازیل کے فٹ بال لیجنڈ پیلے ایک بار پھر آئی سی یو میں منتقل کر دیے گئے ہیں۔

تفصیلات کے مطابق لیجنڈری فٹ بالر پیلے کی طبیعت ناساز ہو گئی ہے، انھیں ساؤ پالو کے اسپتال البرٹ آئن اسٹائن کے انتہائی نگہداشت یونٹ میں منتقل کر دیا گیا ہے۔

میڈیا رپورٹس کے مطابق رواں ماہ ایک سرجری کے ذریعے 80 سالہ پیلے کی بڑی آنت کا ٹیومر نکالا گیا تھا، چند دن قبل انھیں طبیعت بہتر ہونے پر آئی سی یو سے باہر منتقل کیا گیا، لیکن طبیعت خراب ہونے پر انھیں دوبارہ آئی سی یو منتقل کیا گیا ہے۔

پیلے کو جمعے کے روز نظام تنفس میں خرابی کی وجہ سے دوبارہ آئی سی یو منتقل کیا گیا، ان کی بیٹی کیلی ناشیمنٹو نے انسٹاگرام پوسٹ میں والد کی تصویر شیئر کرتے ہوئے بتایا کہ ان کی طبیعت اب بہتر ہو رہی ہے۔

واضح رہے کہ سابق فٹ بال پلیئر پیلے کافی عرےہ سے بیمار ہیں اور بغیر مدد کہ چل پھر نہیں سکتے، دنیا میں فٹ بال کے بہترین کھلاڑی تصور کیے جانے والے پیلے کچھ سالوں سے صحت کے مسائل میں گھرے ہیں اور کئی بار اسپتال داخل ہو چکے ہیں۔

تین ورلڈ کپ (1958، 1962 اور 1970) جیتنے والے تاریخ کے واحد کھلاڑی 1968 میں 17 سال کی عمر میں دنیا کی توجہ کا مرکز بنے تھے جب فائنل میں انھوں نے میزبان سیوڈن کے خلاف دو گول کیے۔ 1977 میں ریٹائر ہونے سے قبل وہ ایک ہزار سے زائد گول اسکور کر چکے تھے۔

Comments

یہ بھی پڑھیں