لوگوں سے غلطیاں ہوتی ہیں میری غلطی’شادی‘ تھی: ریحام خان -
The news is by your side.

Advertisement

لوگوں سے غلطیاں ہوتی ہیں میری غلطی’شادی‘ تھی: ریحام خان

نئی دہلی: ٹی وی جرنلست اور سماجی کارکن ریحام خان نے بھارتی اخبار انڈیا ٹوڈے کانفرنس میں گفتگو کرتے ہوئے کہا کہ انہیں مشرقی انداز کا پہناوا پسند ہے اس سے پاکستان کی ترجمان ہوتی ہے۔

تفصیلات کے مطابق ریحام خان انڈیا ٹوڈے کانفرنس میں شرکت کے لئے گزشتہ روز بھارت پہنچی ہیں۔ کانفرنس کے شرکا سے خطاب کرتے ہوئے ریحام کا کہنا تھا کہ انہیں سرپر چادر اوڑھنا پسند ہے اس سے پاکستانی اور بالخصوص پشتون کلچر کی ترجمانی ہوتی ہے۔

تحریک انصاف کے سربراہ عمران خان کی سابقہ اہلیہ کا کہنا تھا کہ ’’میں کسی مرد سے شادی کی وجہ سے اس مخصوص انداز کے کپڑے نہیں پہنتی بلکہ یہ میرا کلچر ہے‘‘۔ ان کا کہنا تھا کہ وہ عام لوگوں میں گھل مل جاتی ہیں، ان کے ساتھ زمین پر بیٹھ کر مکئی کی روٹی کھاتی ہیں اس سے انہیں ان لوگوں سے بات کرنے میں آسانی ہوتی ہے اور وہ ان افراد کو بتا پاتی ہیں کہ کیسے وہ لوگ اپنا اندازِ زندگی بہتر کرسکتے ہیں۔

ریحام خان نے عمران خان سے اپنی شادی اورپھرطلاق کے بارے میں بات کرتے ہوئے کہا کہ ’’ سب سے غلطیاں ہوتی ہیں مجھ سے بھی ہوئی۔ دنیا بدل رہی ہے اور اب مجھے معاشرے میں مرد کے حوالے سے مقام حاصل کرنے کے لئے شادی کی ضرورت نہیں‘‘۔

انہوں نے اپنے پہلے شوہر سے ہونے والے بیٹے کے حوالے سے کہا کہ ’’ مجھے فخر ہے کہ میرا بیٹا بڑا ہوگیا ہے، وہ 22 سال کا ہے‘‘۔

انہوں نے یہ بھی کہا کہ’’ میں ایک عورت ہوں، عورت نظرآتی ہوں، عورتوں کا سارویہ رکھتی ہوں۔ لیکن پاکستان کے مجھے ’دبنگ‘ کہتے ہیں۔

Comments

comments

یہ بھی پڑھیں