The news is by your side.

Advertisement

”چپل مار ہولی“ منانے کی دلچسپ ویڈیو وائرل ہوگئی

ہندو مذہب میں رنگوں کا تہوار ”ہولی“ بھارت سمیت دیگر ممالک میں جوش و خروش سے منایا جاتا ہے۔ اس تہوار میں لوگ ایک دوسرے پر رنگ اڑاتے ہیں۔

شاہد آپ نے کبھی لوگوں کو اس موقع پر جشن منانے کے لیے چپلوں کا استعمال کرتے نہیں دیکھا ہوگا۔ سوشل میڈیا پر ایک ویڈیو کلپ خوب وائرل ہو رہا ہے جو بھارتی ریاست بہار میں ایک واٹر پارک میں ہونے والی ہولی کی تقریب کا ہے۔

ہولی کی تقریب میں لوگوں نے ایک دوسرے پر رنگ اڑانے کے بجائے چپلوں کی بارش کر دی۔ ویڈیو میں دیکھا جا سکتا ہے کہ لوگوں کی بڑی تعداد واٹر پارک میں جمع ہے اور وہ گلابی رنگ کے پانی میں ہولی کھیل رہے ہیں۔

ویڈیو میں لوگوں کو ایک دوسرے کو چپلیں مارتے دیکھا جا سکتا ہے۔ کئی چپلیں ہوا میں اڑتی اور پانی میں تیرتی ہوئی دیکھی جا سکتی ہیں۔

سوشل میڈیا پر ویڈیو کلپ کو اب تک ہزاروں لوگوں نے دیکھا ہے اور اس پر اپنی رائے کا اظہار کر رہے ہیں۔

Comments

یہ بھی پڑھیں