The news is by your side.

Advertisement

اسلام آباد میں ویکسی نیشن کیلئے آنے والے شہریوں کا ماس ویکسینیشن سینٹر پر دھاوا

اسلام آباد : وفاقی دارالحکومت اسلام آباد کے سیکٹر ایف نائن میں ماس ویکسی نیشن سینٹر پر ویکسی نیشن کیلئے آنے والے افراد نے اچانک دھاوا بول دیا، مظاہرین ایسٹرازنیکا ویکسین لگانے کا مطالبہ کررہے تھے۔

تفصیلات کے مطابق ویکسی نیشن کیلئے آنے والے افراد نے ایف 9ماس ویکسی نیشن سینٹر پر دھاوا بول دیا اور ہنگامہ آرائی سے املاک کو نقصان پہنچایا، جس کے باعث ایف 9ماس ویکسی نیشن سینٹر میں ویکسی نیشن کا عمل صبح سےمعطل ہے۔

قابضین نے ماس ویکسی نیشن سینٹر انتظامیہ سے ایسٹرازنیکا ویکسین لگانے کا مطالبہ کیا ، ویکسی نیشن سینٹرانتظامیہ نے پولیس اور ضلعی انتظامیہ سے مدد مانگ لی۔

انتظامیہ کا کہنا ہے کہ ماس ویکسی نیشن سینٹر میں ایسٹرازنیکاویکسین قلیل مقدارمیں موجود ہے ، مظاہرین قبضہ چھوڑیں توویکسی نیشن کیلئے تیارہیں۔

دوسری جانب ڈی ایچ اواسلام آباد کی جانب سے کہا گیا ہے کہ ایف نائن ویکسی نیشن سینٹرمیں ایسٹرازنیکا، فائزرلگائی جارہی ہے، بیرون ملک جانےوالوں کوویکسین لگانے کاعمل جاری تھا کہ دوسرےشہروں سےآنےوالوں کےباعث رش بڑھ گیا۔

ڈی ایچ او کا کہنا تھا کہ ایس اوپیزکےتحت سب کوایک ساتھ اندرنہیں آنےدیاجا سکتا، ویکسین لگوانےوالےمرکزی دروازہ توڑکراندرداخل ہوئے، دروازے کا شیشہ ٹوٹنے سے 2 اہلکارزخمی ہوئے۔

Comments

یہ بھی پڑھیں