The news is by your side.

Advertisement

پاکستانی قوم نااہل اور کرپٹ حکمران سے نجات پر دو نفل شکرانے ادا کریں: عمران خان

اسلام آباد: پاکستان تحریک انصاف کے چیئرمین عمران خان نے کہا ہے کہ پوری پاکستانی قوم نااہل اور کرپٹ ترین حکمران سے نجات پر دو نفل شکرانے ادا کریں، پاکستان کی تاریخ میں کبھی ایسے حکمران نہیں آئے۔

ان خیالات کا اظہار انہوں نے سماجی رابطے کی ویب سائٹ ’فیس بک‘ پر اپنے جاری کردہ ویڈیو پیغام میں کیا، عمران خان کا کہنا تھا کہ جو ان حکمرانوں نے پاکستان کے ساتھ کیا ہے وہ کوئی دشمن بھی نہیں کرسکتا، ملک کے قرضوں کو کم کرنے کے بجائے مزید بڑھایا گیا ہے۔

انہوں نے کہا کہ نااہلوں نے پاکستان کا قرضہ 13 ہزار ارب سے 27 ہزار ارب تک پہنچا دیا ہے، 2008 میں پاکستان کا قرضہ کم تھا لیکن انہوں نے قرضہ لے کر ملک کو اس نہج پر پہنچا دیا ہے، انہوں نے اتنا قرضہ لیا لیکن کیا کچھ بھی نہیں تو پیسے کہاں گئے؟


جمہوری حکومت کے پانچ برس پر ایک نظر


عمران خان کا کہنا تھا کہ 2008 تک پاکستان پر قرضہ صرف 6 ہزار ارب تھا جس میں تربیلا اور منگلا ڈیم سمیت بڑے بڑے منصوبے بنے لیکن سوچنے کی بات ہے کہ اس حکومت میں ایسا کوئی بڑا پروجیکٹ بھی نہیں بنا تو پھر یہ پیسہ کہاں گیا اور کس پر خرچ ہوا؟

خیال رہے کہ حکومت اپنی پانچ سالہ آئینی مدت مکمل کرنے کے بعد ختم ہوگی ہے، اب ناصر الملک نگراں وزیر اعظم کا عہدہ سنبھالیں گے۔


حکومت آئینی مدت پوری کرنے کے بعد ختم، جسٹس ناصر المک آج نگراں وزیراعظم کا حلف اٹھائیں گے


یاد رہے کہ وزیراعظم اور اپوزیشن لیڈر خورشید شاہ کی چھ ملاقاتوں کے بعد نگران وزیر اعظم کے نام پر اتفاق کیا گیا تھا، دونوں رہنماؤں نے پریس کانفرنس کرتے ہوئے اعلان کیا تھا کہ جسٹس (ر)ناصر المک نگراں وزیر اعظم ہوں گے۔ وزیراعظم کا کہنا تھا کہ نگراں وزیراعظم کیلئےنام ایساہےجس پرکوئی انگلی نہیں اٹھاسکتا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں