site
stats
پاکستان

حکمراں نہ حقوق اللہ ادا کرتے ہیں نہ حقوق العباد‘ سراج الحق

siraj ul haq

لاہور: امیر جماعت اسلامی سراج الحق نے کہا ہے کہ حکمران نہ حقوق اللہ ادا کرتے ہیں نہ حقوق العباد، کرپٹ افراد غلاف کعبہ کے پیچھے چھپ جائیں ہم انہیں وہاں سے نکال لائیں گے۔ عوام کرپشن فری پاکستان چاہتے ہیں۔

سراج الحق کا کہنا تھا کہ عوام مجبور اور محروم زندگی گزارنے پر مجبور ہیں پنجاب کے لاکھوں عوام بنیادی سہولتوں سے بھی محروم ہیں۔

عوام کو دیہات میں تعلیمی سہولیات دی جائیں گی، صنعتی یونٹ لگائے جائیں گے۔ ان کا کہنا تھا کہ پاناما کیس کا فیصلہ آئے گا اور جلد آئے گا، پاناما کیس کے بعد مزید فیصلے بھی آئیں گے۔

سراج الحق کا کہنا تھا کہ میں لوگوں کو فٹ پاتھوں پر لیٹا دیکھتا ہوں تو دکھ ہوتا ہے، آپ کروڑوں کے اشتہار دے کر پنجاب کو بہترین ثابت کرنے کی کوشش کررہے ہیں۔

ہمیں دیکھنا ہے کس کی وجہ سے لوگ اپنی عزت اور غیرت کا سودا کرنے پر مجبور ہیں، ہمیں سوچنا ہو گا کہ کن کی وجہ سے لوگ غربت کا شکار ہیں۔

امیر جماعت اسلامی کا کہنا تھا کہ سب سے جماعت اسلامی نے کرپشن کے خلاف مہم شروع کی تھی لیکن ہماری بات نہیں سنی گئی اس لئے ہمیں عدالت جانا پڑا۔

ان کا مزید کہنا تھا کہ وزرا نے جے آئی ٹی بننے پر مٹھائیاں تقسیم کیں اب کیوں رو رہے ہیں۔ حکومت کا کام رونا نہیں عمل کرنا ہوتا ہے۔

پارٹی تبدیل کرنے والوں سے ایک ایک پائی کا حساب لیں گے، عوام کرپشن فری پاکستان چاہتے ہیں۔ ملک کے لیے ایماندار قیادت کی ضرورت ہے۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگریہ خبر آپ کو پسند آئی ہے تو اسے اپنی فیس بک وال
پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top