site
stats
اے آر وائی خصوصی

میگا سٹی میں حکومت کی عدم دلچسپی، عوام خود صفائی کرنے پر مجبور

کراچی: شہر قائد میں حکومت کی جانب سے کیے گیے صفائی ستھرائی کے ناقص انتظامات فراہم کرنے پر صدر کے علاقے گاڑی کھاتہ میں علاقہ مکینوں نے انوکھا احتجاج کرتے ہوئے گلیوں کی صفائی کا کام خود کرتے ہوئے تمام کوڑا کرکٹ جمع کر کے کچرا خانے میں پھینک دیا۔

تفصیلات کے مطابق صوبائی حکومت کی جانب سے صفائی ستھرائی کی سہولیات کے دعووں کے باوجود شہر میں تاحال گندگی اور کچرے کے انبار موجود ہیں، ان تمام مسائل سے نکلنے کے لیے شہری اب حکومت سے کسی قسم کی توقع نہیں رکھتے بلکہ اپنی مدد آپ کے تحت اقدامات کر کے مسائل سے چھٹکارا حاصل کرنے کی کوشش کرتے ہیں۔

pumflate-1

بلدیاتی نمائندوں اور میئر کراچی کے انتخاب کے باوجود شہر میں کوڑا کرکٹ جمع ہے اور عوام کو اس سے شدید مشکلات کا سامنا ہے، اس ضمن میں صدر کے علاقے گاڑی کھاتہ میں محلے کے چند نوجوانوں نے علاقہ صاف کرنے کا بیٹرا اٹھایا اور عوام کی آگاہی کے لیے باقاعدہ پمفلٹ کا اجراء کیا۔

ghari-khata-post-3

صفائی مہم کا انعقاد کرنے والے نوجوان اویس اجمیری کا کہنا ہے کہ “ہمیں اپنے علاقے گلی محلوں کو خود صاف رکھنا ہے، اگر ہم کسی کے منتظر رہیں گے تو حالت مزید بد سے بدتر ہوتی رہے گی””۔

انہوں نے کہا کہ اس صفائی مہم کے حوالے سے ہم نے گزشتہ ایک ہفتہ قبل علاقائی سطح پر لوگوں سے گھر گھر جاکر رابطے کیے اور انہیں صفائی مہم میں شمولیت کی درخواست کی، جس پر تقریبا سارے لوگوں نے خوشی کا اظہار کرتے ہوئے ہمارا ساتھ دینے کا اعلان کیا۔

gari-khata-post-1

صفائی مہم کا انعقاد اتوار کے روز کیا گیا جس میں بوڑھے، بچے ، نوجوان سب شامل تھے، علاقہ مکینوں نے اپنی مدد آپ کے تحت گلیوں میں موجود کچرے کو اکٹھا کر کے سرکار کی جانب سے مقرر کردہ کچرا خانے میں پھینک کر آئے۔

اس دوران علاقہ مکینوں نے تمام رہاشیوں سے درخواست کی کہ وہ اپنے گھر کا کچرا باہر نہ پھینکیں بلکہ اسے جمع کر کے ایک ساتھ رکھیں تاکہ مقرر کردہ صفائی والا اپنے وقت پر آئے اور اسے جمع کر کے لے جائے۔ اس عمل سے محلے میں صفائی کی صورتحال بتدریج جاری رہے گی۔

ghari-khata-post-2

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top