The news is by your side.

Advertisement

سندھ کے عوام گرینڈ ڈیموکریٹک الائنس کو پاپیوں کا گٹھ جوڑ سمجھتے ہیں، پی پی رہنماؤں کا ردِعمل

کراچی: پیپلز پارٹی کے رہنماؤں نے گرینڈ ڈیمو کریٹک الائنس کے اجلاس کے ردِ عمل میں کہا ہے کہ سندھ کے عوام جی ڈی اے کو پاپیوں کا گٹھ جوڑ سمجھتے ہیں۔

تفصیلات کے مطابق جی ڈی اے کی طرف سے نگراں حکومت پر اظہارِ عدم اعتماد کے اعلان کے بعد پی پی نے بھی الائنس کے خلاف اپنا ردِ عمل جاری کر دیا ہے۔

پیپلز پارٹی کے رہنما سعید غنی نے پریس کانفرنس کرتے ہوئے کہا کہ جی ڈی اے پاپی لوگوں کا منبع ہے، الائنس والوں کو اپنی شکست صاف نظر آ چکی ہے۔

سعید غنی کا کہنا تھا کہ پیر پگاڑا نے کرپشن کے سوا اور کیا کام کیا ہے؟ پلیجو مرحوم زندہ ہوتے تو ایاز لطیف پلیجو کو ہرگز ووٹ نہ دیتے۔

پریس کانفرنس سے خطاب کرتے ہوئے پی پی کے رہنما عاجز دھامرا نے کہا کہ جی ڈی اے والے الزامات لگا کر دل خوش کر رہے ہیں، پی پی کا مقابلہ ان کے بس کی بات نہیں ہے، اس لیے وہ انتخابات سے بھاگنے کی تیاری کر رہے ہیں۔

عاجز دھامرا نے کہا کہ جی ڈی اے رہنماؤں نے سیاست ہی الزامات پر کی ہے، پیپلز پارٹی سے مقابلہ کرنا ان کے بس میں نہیں ہے۔

گرینڈ ڈیموکریٹک الائنس کا نگراں حکومت پرعدم اعتماد کا اظہار


ان کا کہنا تھا کہ جی ڈی اے کو الجھن ہے کہ کس منہ سےعوام سے ووٹ مانگیں، انھوں نے ہمیشہ چٹھیوں پر ووٹ مانگے ہیں لیکن وہ زمانہ اب چلا گیا ہے۔

پی پی کی رہنما عاجز دھامرا نے کہا کہ جی ڈی اے والے  بجلی اور پانی کے مسئلے پر الزام لگا رہے ہیں، سندھ میں اگر بجلی یا پانی نہیں تو اپنے دو سابق وفاقی وزرا سے پوچھیں۔

واضح رہے کہ کنگری ہاؤس میں منعقدہ اجلاس میں آج جی ڈی اے نے نگراں حکومت پر عدم اعتماد کا اظہار کرتے کہا ہے کہ سندھ میں نگراں حکومت دراصل پیپلز پارٹی کی حکومت کا تسلسل ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں