The news is by your side.

Advertisement

بھارت کا ہمسایوں کیخلاف طاقت کے استعمال کا خطرہ تنازعات کوہوا دے رہا ہے، منیر اکرم

نیویارک : اقوام متحدہ میں پاکستان کے مستقل مندوب منیراکرم کا کہنا ہے کہ بھارت کاہمسایوں کیخلاف طاقت کےاستعمال کا خطرہ تنازعات کو ہوا دے رہا ہے، اگرریاستیں یواین چارٹر پامال کرتی رہیں تو ایسا ہوا تو انسانیت کا وجود خطرے میں پڑجائے گا۔

تفصیلات کے مطابق اقوام متحدہ کی سلامتی کونسل کے اجلاس سے مستقل مندوب منیراکرم نے خطاب کرتے ہوئے کہا 75سال پہلےعلاقائی سالمیت کےتحفظ کےعزم اور ریاستوں کی آزادی کیخلاف طاقت کے استعمال سے گریز کا اعادہ کیا گیا ، اقوام متحدہ کے چارٹر کا مقصد جنگ کے راستے کو کالعدم قراردیناتھا، بدقسمتی سے آج چارٹر پر عملدرآمد ہوتا نظر نہیں آرہا۔

منیراکرم کا کہنا تھا کہ جابجا طاقت کا غیر مجازاور یکطرفہ استعمال، مداخلت نظرآتی ہے، کمزور ریاستوں کے حق خودارادیت کا انکار سب سے زیادہ نظر آتا ہے، پاکستان نے ہمیشہ ریاستی خودمختاری کی حمایت کی ہے، پاکستان کو ہمسایہ ریاست کی سرزمین سےدہشت گردحملےکا سامنا ہے اور ہمیشہ اپنے ہمسائے کی علاقائی خودمختاری کااحترام کیا،لیکن دہشت گرد حملوں کی سرپرستی کرنیوالوں کیخلاف دفاع کاحق ہے۔

پاکستانی مندوب نے کہا نائن الیون کے بعد طاقت اور غیر ملکی مداخلت کا یکطرفہ استعمال استعمال کیاگیا ، دفاع میں طاقت کا استعمال مسلح حملے کو پسپا کرنے تک محدود ہے، اس میں مستقبل یا متوقع حملے کا احاطہ نہیں کیا گیا، طاقت کے لامحدود استعمال کا تصور یو این چارٹر کے خلاف ہے۔

ان کا مزید کہنا تھا کہ حق خودارادیت کی جدوجہد کو دہشت گردی کے مترادف نہیں کیاجاسکتا، جن لوگوں کے حق خودارادیت کوتسلیم کیا گیا ہےانہیں حق حاصل ہے، انہیں حق حاصل ہے کہ وہ مسلح جدوجہد سمیت تمام ممکنہ وسائل کاسہارالیں۔

منیراکرم نے کہا کہ ہمارے خطے میں یواین چارٹر کی خلاف ورزیوں پرمظاہروں کونشانہ بنایاگیا ، اگرریاستیں چارٹرپامال کرتی رہیں تو دنیا تنازعات میں گھر سکتی ہے،ایسا ہوا تو انسانیت کا وجود خطرے میں پڑجائے گا، اسکی ایک واضح مثال کشمیرمیں بھارت کاغیرقانونی فوجی قبضہ ہے، بھارت کاہمسایوں کیخلاف طاقت کےاستعمال کا خطرہ تنازعات کوہوادےرہا ہے۔

Comments

یہ بھی پڑھیں