The news is by your side.

Advertisement

وزیراعلیٰ پنجاب کا انتخاب، پرویز الہٰی اور حمزہ شہباز کے کاغذات نامزدگی جمع

وزیراعلیٰ پنجاب کیلیے حکومتی امیدوار چوہدری پرویز الہٰی اور متحدہ اپوزیشن کے امیدوار حمزہ شہباز نے کاغذات نامزدگی جمع کرادیے۔

اے آر وائی نیوز کے مطابق وزیراعلیٰ پنجاب کے عہدے کے لیے حکومت کے نامزد امیدوار چوہدری پرویز الہٰی اور متحدہ اپوزیشن کے متفقہ امیدوار ن لیگی رہنما حمزہ شہباز نے کاغذات نامزدگی جمع کرادیے ہیں۔

متحدہ اپوزیشن کے امیدوار حمزہ شہباز کے 5 کاغذات نامزدگی جمع کرائے گئے ہیں۔ ان کے کاغذات نامزدگی کے تائید کنندہ سمیع اللہ جبکہ خلیل طاہر سندھو تجویز کنندہ ہیں۔

متحدہ اپوزیشن کی جانب سے کورنگ امیدوار کے طور پر سردار اویس خان لغاری کے کاغذات نامزدگی جمع کرائے گئے ہیں۔

دوسری جانب حکومت کے نامزد امیدوار اور ق لیگی رہنما چوہدری پرویز الہٰی کے کاغذات نامزدگی بھی جمع کرادیے گئے ہیں۔

پی ٹی آئی رہنما راجا بشارت کی جانب سے پرویزالٰہی کے کاغذات نامزدگی جمع کرائے گئے ہیں۔

واضح رہے کہ سابق وزیراعلیٰ پنجاب عثمان بزدار کا استعفیٰ گزشتہ روز گورنر نے منظور کرلیا تھا۔

مزید پڑھیں: وزیراعلیٰ پنجاب کا انتخاب کل ہوگا، شیڈول جاری

پنجاب اسمبلی کے شیڈول کے مطابق پنجاب کے نئے وزیراعلیٰ کا انتخاب کل ہوگا۔

Comments

یہ بھی پڑھیں