The news is by your side.

ملک میں موجود تمام ریسٹ ہاؤس کو ختم کردیا جائے گا، وزیر دفاع پرویز خٹک

اسلام آباد: وزیر دفاع پرویز خٹک نے کہا ہے کہ ملک میں موجود تمام ریسٹ ہاؤس کو ختم کردیا جائے گا، ریسٹ ہاؤس کو کمرشل استعمال کے لیے زیر غور لایا جائے گا۔

تفصیلات کے مطابق سرکاری املاک کے متبادل استعمال پر ورکنگ گروپ کا اجلاس ہوا جس کی صدارت وزیر دفاع پرویز خٹک نے کی، اجلاس میں سیکریٹری ہاؤسنگ اور وفاقی و صوبائی حکومتوں کے نمائندے شریک ہوئے۔

سرکاری زمین کے بہتر استعمال سے مسائل حل ہوں گے

پرویز خٹک وزیر دفاع

پرویز خٹک کو مختلف املاک اور ان کے متبادل استعمال و حیثیت سے متعلق بریفنگ دی گئی، وفاقی وزیر کو املاک کے سروے، مختلف پائلٹ منصوبوں پر بھی آگاہ کیا گیا۔

وزیر دفاع پرویز خٹک نے کہا کہ سرکاری املاک کے مناسب استعمال کی ضرورت ہے، غیراستعمال زمین پبلک پرائیویٹ پارٹنر شپ سے استعمال ہوگی، وزیر دفاع نے صوبوں کو غیرآباد زمینوں کے موجودہ و مستقبل کے استعمال کے لیے پلان کی ہدایت کردی۔

پرویز خٹک نے کہا کہ وزیراعظم عمران خان کا وژن عام آدمی کو سستی رہائش دینا ہے، سرکاری زمین کے بہتر استعمال سے مسائل حل ہوں گے۔

Comments

یہ بھی پڑھیں