پاکستان کے تشخص کے لیے نظریاتی ضرب عضب کے محاذ پر ہیں، پرویز رشید -
The news is by your side.

Advertisement

پاکستان کے تشخص کے لیے نظریاتی ضرب عضب کے محاذ پر ہیں، پرویز رشید

اسلام آباد: وفاقی وزیر اطلاعات پرویش رشید نے کہا ہے کہ اسلام اور نبی کریم کے پیغام کو مسخ کر کے پیش کیا گیاہے،جس سے دنیا بھر میں اسلام اور پاکستان کا تشخص خراب ہوا ہے۔

وفاقی وزیر اطلاعات و نشریات پرویز رشید کل رات اسلام آباد میں علما و مشائخ کانفرنس سے خطاب کررہے تھے،انہوں نے کہا کہ ،ہم نے رہنمائی کے لیے علماء کی انگلی تھامی ہے آئندہ بھی تھامے رکھیں گے۔

انہوں نے مزید کہا کہ اسلام کے نام پر دہشتگردی نے اسلام اور نبی کریم کے پیغام کو مسخ اور مجروح کیا گیا ہے،اسلام اور پاکستان کے اصل وارث ہم ہیں اورہم پاکستان کا تشخص بحال کرینگے۔

دہشت گردی کی پر زور مذمت کرتے ہوئے وفاقی وزیر کا کہنا تھا کہ ظلم یہ ہے کہ پاکستان میں عید کی نماز پولیس کے پہرے میں پڑھی جاتی ہے جب کہ لندن کی مساجد میں نماز پڑھتے ہوئے خوف نہیں آتا۔

انہوں نے مزید کہا کہ اسلام کو خونخوار مذہب کے طور پر پیش کرنے کی سازش کی گئی ہے،اس موقع پر وفاقی وزیر اطلاعات نے دعا کی کہ اللہ نمازیوں کو شہید کرنے والوں سےہماری جان چھڑا دے۔

پرویز رشید نے موقف اختیار کیا کہ خانقاہیں تمام انسانوں کےلئے روحانی علاج گاہیں ہیں، خانقاہوں سے ہمیشہ امن محبت بھلائی کا پیغام آتا ہے تاہم خانقاہوں پرچند بدطنیت لوگوں نے نگاہیں رکھیں ہوئی ہیں۔

وزیر اعظم کی صحت کے حوالے سے انہوں نے علماء و مشائخ کا شکریہ ادا کرتے ہوئے کہا کہ وزیر اعظم کی فوری اور کلی صحت یابی آپ اور کروڑوں لوگوں کی دعاؤں کا نتیجہ ہے۔

انہوں نے مزید بتایا کہ کہا کہ وزیراعظم کی چار شریانوں کی سرجری کی گئی ہے،وزیر اعظم کی طبعیت میں تیزی سے آنے والی بحالی سے ڈاکٹرز حیران تھے کہ اتنی بڑی سرجری کے بعد اتنی جلدی روبہ صحت کیسے ہوئے؟

وزیر اطلاعات نے دعوی کیا کہ پاکستان کے بعد آزاد کشمیر میں بھی ن لیگ کی حکومت ہوگیا،آخر میں انہوں نے اعادہ ظاہر کیا کہ نظریاتی ضرب عضب کے ذریعے پاکستان کے اصل تشخص کو واپس لائینگے۔

Comments

comments

یہ بھی پڑھیں