دونوں بھائیوں سےجان نہیں چھوٹی توملک ترقی نہیں کر ئے گا، چوہدری پرویز الہی
The news is by your side.

Advertisement

نواز و شہباز سے جان نہ چُھوٹی توملک ترقی نہیں کر ے گا، چوہدری پرویز الہی

گوجرانوالہ: چوہدری پرویز الہی نے کہا ہے کہ مسلم لیگ (ن) کی حکومت نے ایک بھی کام عوام کی فلاح کے لیے نہیں کیا بلکہ ان کے سارے منصوبے ڈالر کے حصول کے لیے ہوتے ہیں۔

یہ بات انہوں نے گوجرانوالہ میں عوام کے اجتماع سے خطاب کرتے ہوئے کہی، انہوں نے کہا کہ ہمارے دور میں جرائم اور مہنگائی کی شرح کم تھی، زرعی آلات مفت دستیاب تھے، 37 ہزار کلومیٹر تک سڑکیں بنائی گئی تھیں اور سرکاری اسپتالوں میں دوائی اور 10 ہزار کا ٹیکہ مفت ملتا تھا جب کہ مسلم لیگ (ن) کے دور میں اسپتالوں میں دوائیں ہیں نہ مریضوں کو بستر ملتا ہے۔

انہوں نے کہا کہ پاکستان ایک زرعی ملک ہے لیکن یہاں چاول اگانے والے کسان خود رُل گئے ہیں جب کہ حکومت کا کسان پیکج پٹواری ہی کھاگئے ہیں حالانکہ ہمارے دور میں زرعی بجلی کا آدھا بل حکومت پنجاب دیا کرتی تھی۔

انہوں نے عوام کو مشورہ دیتے ہوئے کہا کہ آئندہ انتخابات میں عوام مسلم لیگ (ن) سے بچ کر رہیں کیوں کہ جب تک ان دونوں بھائیوں سےجان نہیں چُھوٹے گی تب تک ملک ترقی نہیں کر پائے گا، اقتدار کی کرسی سے چپکے ہوئے یہ دونوں بھائی پانامالیکس میں ہی لگے رہیں گے۔

پرویز الہی نے کہا کہ ملک کو ان بھائیوں سے نجات دلانے کے نیک مقصد کیلئے تمام جماعتیوں کو متحد ہونا ہوگا اگر متحد نہ ہوئے توخاطر خواہ نتائج نہیں ملیں گے اس لیے سب کو اکٹھے ہوکر نکلنا ہوگا اسی سے برکت ہوگی، پھر دیکھیں گے کہ مسلم لیگ ( نواز) کیسے بھاگتی ہے؟

انہوں نے کہا کہ لیپ ٹاپ اسکیم، آشیانہ اسکیم اور تندوراسکیم میں گھپلوں، تعلیم کے نام پر کاروبار کے باعث دانش اسکول برباد، پیلی ٹیکسی کونیلی کرکے چلا گیا پھر بھی وہ نہیں چلی، نندی پور پروجیکٹ پرحکومت نے50ارب روپے لگا دیے ہیں مگر کامیابی نہیں ملی کیوں کہ ان کے سارے منصوبے کرپشن کے لیے ہیں۔

انہوں نے موجودہ حکومت کو مزید تنقید کانشانہ بناتے ہوئے کہا کہ بہاولپور اور ملتان کےعوام کہتے ہیں جنگلا بس کی جگہ اسپتالوں کی حالت ٹھیک کردو مگر حکومت نے ایسا نہیں کیا، شریف برادران عوام کے ساتھ ظلم کررہے ہیں۔

Comments

comments

یہ بھی پڑھیں