The news is by your side.

Advertisement

ن لیگ پاکستان کوبھارت اور اسرائیل کے پاس گروی رکھنا چاہتی ہے: پرویز الہیٰ

پٹرول مہنگا، ڈالرمہنگا، بس موت سستی، کیا یہ ہے شہباز شریف کی حکومت؟

لاہور: مسلم لیگ ق کے سینئر رہنما چوہدری پرویزالہیٰ کا کہنا ہے کہ ن لیگ پاکستان کو بھارت اور اسرائیل کے پاس گروی رکھنا چاہتی ہے.

ان خیالات کا اظہار انھوں نے لاہور میں‌ مسلم لیگی ق کے عہدے داروں اورکارکنوں سے خطاب کرتے ہوئے کیا.

چوہدری پرویز الہیٰ نے مخالفین کو آڑے ہاتھ لیتے ہوئے کہا کہ پٹرول مہنگا، ڈالرمہنگا، بس موت سستی، کیا یہ ہے شہباز حکومت؟

انھوں نے کہا کہ یہ لوگ قیمے والے نان کھا کرعدالتوں پربھی حملےکرتے رہے ہیں، ن لیگ پاکستان کو دشموں کے ہاتھوں‌ گروی رکھنا چاہتی ہے.

پرویزالہیٰ نے مطالبہ کیا کہ سابق حکمرانوں کو لوڈشیڈنگ کااحساس دلانے کے لئےان کے گھروں کی بجلی کاٹی جائے.

پرویزالہیٰ کا کہنا تھا کہ الیکشن میں ن لیگ کی منافقانہ سیاست کا خاتمہ ہوگا، الیکشن میں لیگی سپورٹر اور ووٹرز کے سیلاب میں ڈبکیاں لگائیں گے.

یاد رہے کہ ملک بھر میں عام انتخابات رواں برس 25 جولائی کو منعقد ہوں گے، پنجاب میں نگراں وزیراعلیٰ پر ن لیگ کی جانب سے شدید تحفظات کا اظہار کیا گیا، جسے مخالفین نے االیکشن کو متنازع بنانے کی کوشش قرار دیا ہے۔


شریف برادران بہت تسلسل کے ساتھ جھوٹ بولتے ہیں، پرویز الہیٰ


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں