The news is by your side.

Advertisement

عمران خان کی حمایت کے لیے گئے تھے، وزارت اعلیٰ سے متعلق بات نہیں ہوئی: پرویز الہیٰ

لاہور: مسلم لیگ ق کے سینئر رہنما پرویز الہیٰ نے کہا ہے کہ آج ہم عمران خان کی حمایت کے لیے بنی گالا گئے تھے.

ان خیالات کا اظہار انھوں نے اے آر وائی نیوز کے پروگرام پاور پلے میں گفتگو کرتے ہوئے کیا، انھوں نے کہا کہ ہماری پوری حمایت عمران خان کو حاصل ہے.

چوہدری پرویزالہیٰ نے واضح کیا کہ آج کی ملاقات میں وزارت اعلیٰ سے متعلق کوئی بات نہیں ہوئی، یہ معاملات بات چیت سے طے کیے جائیں گے.

ان کا کہنا تھا کہ تحریک انصاف کے ساتھ مل جل کرچلیں گے، حکومت سازی کے اس مشکل مرحلے میں‌ ان کے ساتھ ہیں.

ایک سوال کے جواب میں‌ انھوں نے کہا کہ قومی اسمبلی کی ایک نشست چھوڑرہا ہوں، وہاں سے مونس الیکشن لڑیں گے.

ن لیگ سے رابطوں کے سوال پر انھوں نے کہا کہ آج سردار ایاز صادق نے رابطہ کیا تھا، ان سے ہمارا احترام کا رشتہ ہے، ایازصادق نے کہا کہ حمزہ شہباز آپ سے ملنا چاہتے ہیں.

پرویزالہیٰ نے کہا کہ میں‌ نے جواب میں‌ کہا کہ ایاز صادق کو بتا دیا کہ ہم عمران خان سے ملاقات کے لئے اسلام آباد جا رہے ہیں.

یاد رہے کہ آج ق لیگ کے وفد نے عمران خان سے ملاقات کی تھی، ملاقات میں طے پایا کہ ق لیگ وفاق اور پنجاب میں تحریک انصاف کی حمایت کرے گی۔


وفاق اور پنجاب میں ق لیگ کے ساتھ حکومت بنائیں گے، پی ٹی آئی کا دعویٰ


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں