عمران خان کے کزن پاکستان آ کر قومی خدمت سر انجام دیتے ہیں: پرویز خٹک -
The news is by your side.

Advertisement

عمران خان کے کزن پاکستان آ کر قومی خدمت سر انجام دیتے ہیں: پرویز خٹک

اسلام آباد: وزیر دفاع پرویز خٹک کا کہنا ہے کہ عمران خان کے کزن پاکستان آ کر قومی خدمت سر انجام دیتے ہیں، ’وہ اپنے خرچے پر پاکستان آتے اور جاتے ہیں‘۔

تفصیلات کے مطابق وزیر دفاع پرویز خٹک نے قومی اسمبلی میں منی بجٹ پر اظہار خیال کرتے ہوئے کہا کہ جہانگیر ترین نے صوبائی گورنمنٹ میں کوئی ٹھیکہ نہیں لیا، جہانگیر ترین کو کوئی زمین لیز پر نہیں دی۔

انہوں نے کہا کہ یوٹیلٹی اسٹورز، عارضی اساتذہ کو نکالنے کی باتیں بے بنیاد ہیں، عمران خان کے کزن پاکستان آ کر قومی خدمت سر انجام دیتے ہیں، ’وہ اپنے خرچے پر پاکستان آتے اور جاتے ہیں‘۔

پرویز خٹک کا کہنا تھا کہ عباد اللہ نے جھوٹ پر جھوٹ بولا، اسمبلی میں جھوٹ پر سزا ہونی چاہیئے، ہم نے امیروں کے لیے نہیں، غریبوں کے لیے کام کیا۔

وزیر دفاع نے مزید کہا کہ ہم نے اچھے کام کیے تھے اسی لیے عوام نے ہمیں دوبارہ چنا، نواز لیگ نے کام کیا ہوتا تو الیکشن میں عوام ان کا یہ حال نہ کرتے۔

Comments

comments

یہ بھی پڑھیں