The news is by your side.

Advertisement

عمران خان جو فیصلہ کریں گے، اسے تسلیم کروں گا: پرویز خٹک

پشاور: سابق وزیر اعلیٰ خیبرپختون خواہ پرویز خٹک نے کہا ہے کہ عمران خان جو فیصلہ کریں گے اسے تسلیم کروں گا۔

ان خیالات کا اظہار انھوں نے میڈیا سے گفتگو کرتے ہوئے کیا۔ انھوں نے کہا کہ کے پی وزیراعلیٰ کے لئے ابھی کوئی فیصلہ نہیں ہوا۔

پرویزخٹک نے کہا کہ عمران خان کا فیصلہ حتمی ہوگا، البتہ ابھی اس ضمن میں کوئی فیصلہ کیا گیا۔

انھوں نے کہا کہ پارٹی میں کوئی گروپ بندی نہیں، میرا کوئی مطالبہ نہیں، میرے بارے میں عمران خان جو فیصلہ کریں گے، وہ قبول ہوگا۔

سابق وزیر اعلیٰ کے پی کے نے کہا کہ آج کی میٹنگ عیدملن پارٹی کی طرح خوشی کی پارٹی تھی، کوئی اختلاف نہیں ہے۔

واضح رہے کہ کچھ عرصے سے یہ خبر گردش کر رہی تھی خیبرپختونخواہ میں وزارت اعلیٰ کا معاملہ عمران خان کے لیے دردسر بن گیا۔

خبروں‌ کے مطابق عمران خان عاطف خان کو خیبرپختونخواہ کا وزیراعلیٰ بنانے کے خواہش مند ہیں، لیکن پرویز خٹک پیچھے ہٹنے کو تیار نہیں.

البتہ اب پرویز خٹک نے واضح کیا کہ جو بھی فیصلہ عمران خان کریں‌گے، وہ ہی حتمی ہوگا.


خبر کے بارے میں اپنی رائے کا اظہار کمنٹس میں کریں, مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں