اسلام آباد: ججزنظر بندی کیس میں سابق صدرپرویزمشرف کے وارنٹ گرفتاری جاری کردیئے۔
تفصیلات کے مطابق ججز نظربندی کیس میں انسداد دہشتگردی کی عدالت کے جج سہیل اکرام نے سابق صدر پرویز مشرف کے وارنٹ گرفتاری جاری کر دیئے ہیں،عدالت نے آج کی کارروائی میں بیانات ریکارڈ کرانے کے لیے گواہوں کو بھی طلب کیا، اس موقع پر پراسی پراسکیوٹرعامر ندیم تابش نے عدالت کو بتایا کہ ایک گواہ انسپکٹر غلام مصطفی کیانی میڈیکل کی چھٹی پر ہیں، دوسرے گواہ قیصر نیاز حج کی ادائیگی کے سلسلے میں ملک سے باہر ہیں۔
انسدادِ ہشتگردی کی عدالت نے پرویز مشرف کی حاضری سے استثنٰی کی درخواست مسترد کرتے ہوئے سابق صدر پرویز مشرف کو گرفتار کر کے یکم اکتوبر کوعدالت میں پیش کرنے کا حکم دے دیا۔
عدالت نے ریمارکس دیئے کہ سابق صدر کی استثنٰی کی درخواست کے ساتھ میڈیکل رپورٹ نہیں ہے، پرویز مشرف نے علالت کے باعث عدالت میں حاضری سے استثنٰی کی درخواست دائر کر رکھی ہے، جس کی پراسیکیورٹر عامر ندیم تابش نے مخالفت کی۔
