دبئی : سابق صدر پرویزمشرف کاکہناتھا مقبوضہ کشمیر میں آزادی کی جدوجہد ضائع نہیں ہوگی ، وہ دن دور نہیں جب شہیدوں کا لہو رنگ لائےگا اور بھارت کشمیریوں کےجذبے کے آگےگھٹنے ٹیک دے گا۔
تفصیلات کے مطابق سربراہ آل پاکستان مسلم لیگ پرویز مشرف نے یوم یکجہتی کشمیر کے موقع پر کشمیریوں کےنام پیغام میں کہا مقبوضہ کشمیرمیں آزادی کی جدوجہد ضائع نہیں ہوگی، وہ دن دورنہیں جب شہیدوں کالہورنگ لائےگا۔
[bs-quote quote=” پاکستانی قوم خون کےآخری قطرے تک کشمیریوں کےساتھ ہے” style=”style-7″ align=”left” author_name=”پرویز مشرف”][/bs-quote]
پرویزمشرف کا کہنا تھا کہ ظلم کوبہرحال فنا ہوناہے،بھارتی بربریت کی مذمت کرتے ہیں ، بھارت کشمیر کو ترنوالہ نہ سمجھے، عالمی برادری کی خاموشی مجرمانہ ہے، بھارت کشمیرپرزیادہ عرصہ تک غاصبانہ قبضہ نہیں رکھ سکتا۔
سربراہ آل پاکستان مسلم لیگ نے کہا کشمیری اپنےخون سےآزادی کی تاریخ رقم کر رہے ہیں، کشمیریوں کےجذبہ وہمت کوخراج تحسین پیش کرتاہوں، پاکستانی قوم خون کے آخری قطرے تک کشمیریوں کےساتھ ہے۔
ان کا مزید کہنا تھا کہ اپنےدورحکومت میں مسئلہ کشمیرکےحل کےقریب پہنچ چکےتھے، وہ دن دورنہیں جب بھارت کشمیریوں کے جذبے کے آگےگھٹنے ٹیک دے گا۔
مزید پڑھیں: پانچ فروری ، کشمیریوں کی جدوجہدِ آزادی کا دن
خیال رہے بھارت کے غاصبانہ قبضے کیخلاف دنیا بھر میں آج یوم یکجہتی کشمیر منایا جارہا ہے ، یوم یکجہتی کشمیرپردنیابھرمیں بھارت کی کشمیرمیں ریاستی دہشت گردی کیخلاف احتجاج اور مظلوم کشمیری بھائیوں سے یکجہتی کااظہار کیا جارہا ہے ۔
اسلام آبادمیں مرکزی تقریب میں شہدائے کشمیرکوخراج عقیدت پیش کرنےکیلئے ایک منٹ کی خاموشی اختیارکی گئی جبکہ کوہالہ پل اورمظفرآبادمیں ہاتھوں کی زنجیربناکرکشمیریوں سے یکجہتی کااظہار کیا گیا۔
واضح رہے کشمیری عوام سے یکجہتی کے دن قابض بھارتی فوج نے مقبوضہ وادی میں اضافی دستے تعینات کرکے جیل میں تبدیل کردیا ہے اور انٹرنیٹ اورموبائل سروس بھی بند ہے جبکہ نام نہاد سرچ آپریشن کے بہانے کئی علاقوں کا محاصرہ کرکے متعدد نوجوانوں کوحراست میں لےلیا ہے۔