site
stats
پاکستان

پرویز مشرف کے خلاف سنگین غداری کیس میں ایف آئی اے نے دوبارہ تحقیقات کا آغاز کردیا

اسلام آباد: سابق صدر پرویز مشرف کے خلاف سنگین غداری کیس میں ایف آئی اے نے دوبارہ تحقیقات کا آغاز کردیاہے، پانچ رکنی کمیٹی تمام افراد سے پوچھ گچھ کرے گی.

سابق صدر پرویز مشرف کے خلاف سنگین غداری کیس میں ایڈیشنل ڈی جی ایف آئی واجد ضیاء کی سربر اہی میں پانچ رکنی کمیٹی قائم کی گئی ہے، جس میں مقصود الحسن، ڈاکٹر عثمان اور عبدالقادر شامل ہیں۔ ایف آئی اے کی کمیٹی نے دوبارہ تحقیقات کا آج سے آغاز کردیاہے۔

پانچ رکنی کمیٹی تمام افراد سے پوچھ گچھ کرے گی۔

اس سے قبل خصوصی عدالت نے مشرف سنگین غداری کیس میں مشترکہ تحقیقاتی ٹیم بنانے کی استدعا مسترد کرتے ہوئے ایف آئی اے کو کیس کی دوبارہ تفتیش کرنے کا حکم دیدیا ہے۔

عدالت نے اپنے فیصلے میں کہا ہے کہ جے آئی ٹی کو کیس کی تفتیش کا اختیار دینے کا ہائیکورٹ کا فیصلہ درست نہیں تھا، ایف آئی اے کیس کی ازسرنو تحقیقات کرے اور پرویز مشرف، شوکت عزیز، جسٹس (ر) عبدالحمید اور زاہد حامد کے بیانات دوبارہ ریکارڈ کئے جائیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top