The news is by your side.

Advertisement

پرویز مشرف 4 حلقوں سے الیکشن لڑیں گے ، ڈاکٹر امجد

اسلام آباد : اے پی ایم ایل کےسیکریٹری جنرل ڈاکٹر امجد کا کہنا ہے کہ پرویز مشرف 4 حلقوں سے الیکشن لڑیں گے، جن میں چترال، جھنگ، گوادر اور کراچی شامل ہیں۔

تفصیلات کے مطابق اے پی ایم ایل کے سیکریٹری جنرل ڈاکٹرامجد نےکاغذات نامزدگی جمع کرادیئے، ڈاکٹر امجد نے کاغذات نامزدگی حلقہ این اے 53 اور 52 کے لئے جمع کرائے۔

اس موقع پر میڈیا سے گفتگو کرتے ہوئے کہا کہ اسلام آباد کے 2حلقوں سےالیکشن میں حصہ لے رہاہوں، پرویز مشرف 4حلقوں چترال ، جھنگ، گوادر اور کراچی سے انتخابات لڑیں گے۔

اے پی ایم ایل کے سیکریٹری جنرل کا کہنا تھا کہ پرویزمشرف عدالتی احکامات کی پابندی کریں گے، شناختی کارڈ بلاک ہونے کے باعث پرویز مشرف کے لئے سفر کرنا ناممکن ہے، شناختی کارڈ بر وقت بحال نہ ہوا تو سپریم کورٹ سے رجوع کریں گے۔

یاد رہے کہ نادرا کی جانب سے سابق صدر اور آل پاکستان مسلم لیگ کے سربراہ پرویز مشرف کا شناختی کارڈ بلاک کریا گیا جس کے باعث ان کا پاسپورٹ بھی منسوخ ہوگیا۔


مزید پڑھیں : پرویز مشرف کا وطن واپسی کا فیصلہ، سپریم کورٹ کی طرف سے انتخابات میں حصہ لینے کی مشروط اجازت


خیال رہے کہ آج عدالت نے پرویز مشرف کو کاغذاتِ نامزدگی جمع کرانے کی اجازت دیتے ہوئے کہا کہ وہ عدالت میں پیش ہوں تو الیکشن کمیشن میں ان کی نامزدگی کے کاغذات وصول کر لیے جائیں گے۔

واضح رہے کہ چیف جسٹس ثاقب نثار نے پرویز مشرف کی نا اہلی کے خلاف اپیل کی سماعت کرتے ہوئے کہا تھا کہ وہ 13 جون کولاہور رجسٹری آجائیں، انھیں پیشی تک گرفتار نہیں کیا جائے گا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں