The news is by your side.

Advertisement

عمران خان اپنے جھوٹے الزامات سے وزیراعظم کی مقبولیت ختم نہ کرسکے، پرویز رشید

اسلام آباد: وفاقی وزیر اطلاعات پرویز رشید کہتے ہیں عمران خان اپنے جھوٹے الزامات سے وزیراعظم کی مقبولیت ختم نہ کرسکے۔

پرویز رشید کا ایک بیان میں کہنا تھا وزیراعظم عوام کےپاس ترقیاتی منصوبوں کی اورعمران خان الزامات کی فہرست لےکر جاتے ہیں،عوامی عدالت نے ہر شہر میں عمران خان کے الزامات کو مسترد کردیا۔

انہوں نے کہا عمران خان نےباربارجھوٹ بولااوربری طرح ایکسپوز ہوئے وضاحتیں مانگنےوالوں کووضاحتیں دینی پڑگئی ہیں، عمران خان اخلاقی جوازجیسے لفظ کانام نہ ہی لیں تو بہترہے۔

واضح رہے کہ اس سے قبل بھی پرویزرشید نے کئی بار چئیرمین تحریک انصاف کو تنقید کا نشانہ بنایا ہے، گزشتہ دنوں پانامہ پیپرز پر پرویزرشید نے کہا تھا کہ الزامات لگانےوالے اپنے گریبان میں جھانکیں، پی ٹی آئی کے چھ ارکان کی اپنی آف شورکمپنیاں ہیں۔

ان کا کہنا تھا کہ عمران خان کے مطابق آف شور کمپنی اس لیے بنائی جاتی ہے کہ لوٹی ہوئی دولت کو چھپایا جا سکے،منی لانڈرنگ کو چھپایا جائے اور ٹیکس بچایا جائے۔اب عمران خان ،علیم خان ،جہانگیر ترین ،عمران خان کی محترمہ بہن،اور دوصوبائی وزیروں کےساتھ تحریک انصاف وہ جماعت بن گئی ہے جس کے سب سے زیادہ لوگ آف شورکمپنیوں کے مالک ہیں۔

Comments

comments

یہ بھی پڑھیں