site
stats
پاکستان

پی ٹی آئی اسٹیبلشمنٹ کا مہرہ، مشرف کی بد روح نے سازش کی، پرویزرشید

اسلام آباد : مسلم لیگ نون کے مرکزی رہنما پرویز رشید نے کہا ہے کہ ڈان لیکس پرجمہوريت کو بچانے کے لیے قربانی دی، تحریک انصاف اسٹیبلشمنٹ کا مہرہ ہے، پرویزمشرف کی بدروح نے سازش کی، ادارے کا نام نہیں لیتا لیکن کچھ افراد ملوث ہیں۔ 

ان خیالات کا اظہار انہوں نے ایک نجی چینل سے گفتگو کرتے ہوئے کیا، انہوں نے کہا کہ بڑے مقاصد کے لیے چھوٹی موٹی قربانی دینی پڑتی ہیں، ڈان لیکس کے معاملے پر جمہوریت کو بچانے کے لیے قربانی دی.

انہوں نے کہا کہادارے کا نام نہیں لوں گا لیکن اس معاملے میں کچھ افراد ملوث ہیں، اپنے انٹرویو میں ڈان لیکس کے اہم کردار اور رہنما نواز لیگ پرویز رشید نے پھرمتنازع معاملات اٹھائے.

سینیٹر پرویز رشید کا کہنا تھا کہ اسٹیبلشمنٹ نے سابق وزیر اعظم کو ہٹانے کا فیصلہ کر لیا تھا اسی سوچ نے یہ سب کیا، پی ٹی آئی تو صرف مہرہ بنی، پہلے وزرائے اعظم خاموشی سے گھرچلے جاتے تھے اس بار ایسا نہیں ہوا، اب ہمیں اس سوچ کا مقابلہ کرکے اسےختم کرنا ہے۔

انہوں نے کہا کہ وزارت داخلہ کے ہوتے ہوئے ہمارے خلاف فیصلے ہوئے، ہماری حکومت ہونے کے باوجود بہت کچھ ہو گیا، مشرف کی بدروح سیاست دانوں اور اداروں میں موجود ہے، پرویزمشرف کی بدروح نے سازش کی۔

ان کا کہنا تھا کہ سابق صدر پرویز مشرف کو ہم نے ملک سے باہرنہیں بھیجا لیکن ہم اسے روک بھی نہیں سکتے تھے، مشرف کو روکنے کے لئے اداروں نے ساتھ نہیں دیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top