The news is by your side.

Advertisement

آج ایک مظلوم عدالت کی گرفت میں ہے اور مجرم ملک چھوڑ کر بھاگ گیا ہے ، پرویز رشید

اسلام آباد : مسلم لیگ ن کے سینیٹر پرویز رشید نے کہا ہے کہ یہاں اقتدار کسی اور اختیار کسی اور کے پاس ہوتا ہے، آج ایک مظلوم عدالت کی گرفت میں ہے اور مجرم ملک چھوڑ کر بھاگ گیا ہے۔

تفصیلات کے مطابق مسلم لیگ ن کے سینیٹر پرویز رشید نواز شریف کی احتساب عدالت میں پیشی پر جوڈیشل کمپلیکس کے باہر میڈیا سے بات کرتے ہوئے کہا کہ ہم سب آج عدالت سے باہرکھڑے ہیں ، آج اختیار سامنے آگیا، جس نے کھلی عدالت بند عدالت میں تبدیل کی۔

پرویز رشید کا کہنا تھا کہ پاکستان کا المیہ یہ ہے کہ یہاں اقتدار کسی اور کے پاس ہوتا ہے اور اختیار کسی اور کےپاس، آج ایک مظلوم عدالت کی گرفت میں ہے اور مجرم ملک چھوڑ کر بھاگ گیا ہے۔

جوڈیشل کمپلیکس میں داخلے سے روکنے پر انھوں نے کہا کہ جوڈیشل کمپلیکس میں داخلے کی اجازت نہ دینا اوپن ٹرائل نہیں ہائی جیک ٹرائل ہے ، یہ سپریم کورٹ بتائے گی کہ ہائی جیک کس نے کیا۔


مزید پڑھیں : آئین کی ایک نہیں بلکہ کئی مرتبہ توہین کی گئی، پرویزرشید


مسلم لیگ ن کے سینیٹر نے کہا کہ آج ہم سب سیاسی کارکن ہونے کی قیمت ادا کررہےہیں پاکستان کے عوام کو اختیار واپس ملنے تک قیمت اداکرتے رہیں گے۔

یاد رہے کہ اس سے قبل پرویز رشید نے اپنے بیان میں کہا تھا کہ آئین کی ایک نہیں بلکہ کئی مرتبہ توہین کی گئی، جو زمینی خدا بنے بیٹھے ہیں وہ کچھ بات بتانا گوارہ نہیں سمجھتے۔

پرویزرشید نے کہا کہ اب اس ملک میں مارشل لا کا اندھیرا کبھی نہیں چھائے گا، آئین توڑنے والوں کیلئے سزامقرر کردی گئی ہے، عوام ووٹ دیتے ہیں وہ چھین لیا جاتاہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں