The news is by your side.

‘آرمی چیف کو’کنگ عبدالعزیز‘ ایوارڈ ملنا قوم کے لیے باعث فخر ہے’

لاہور : اسپیکر پنجاب اسمبلی اور مسلم لیگ ق کے رہنما پرویز الٰہی کا کہنا ہے کہ آرمی چیف کو’’کنگ عبدالعزیز‘‘ایوارڈ ملنا قوم کےلیےباعث فخر ہے۔

تفصیلات کے مطابق اسپیکر پنجاب اسمبلی اور مسلم لیگ ق کے رہنما پرویز الٰہی نے اپنے بیان میں کہا کہ آرمی چیف کے لیے سعودی عر ب کا سب سے بڑا ایوارڈ ملنا خوش آئند ہے۔

پرویز الٰہی کا کہنا تھا کہ آرمی چیف کو’’کنگ عبدالعزیز‘‘ایوارڈ ملنا قوم کےلیےباعث فخر ہے، ایوارڈ آرمی چیف جنرل قمر جاوید باجوہ کی ذاتی کاوشوں، محنت کا صلہ ہے۔

اسپیکر پنجاب اسمبلی نے کہا کہ آرمی چیف کے فارن پالیسی پر عبورکےباعث پاکستان گرے لسٹ سےنکلنےمیں کامیاب ہوا، انھوں نے مشکل وقت میں یواےای، قطر اورسعودی عرب سے تیل ادائیگی ملتوی کرائی۔

انھوں نے مزید کہا کہ آرمی چیف پاکستان کی ترقی اور خوشحالی کیلئے متحرک ہیں، پاکستانی قوم اپنے آرمی چیف پر جتنا فخر کرے کم ہے، ہمارا سپہ سالار ہمارا فخر ہے ، قوم ان کی خدمات کی معترف ہے۔

مسلم لیگ ق کے رہنما کا کہنا تھا کہ آرمی چیف نے ہمیشہ اہم کردار ادا کیا اور ملکی مشکلات کے حل میں صلاحیتوں کا لوہا منوایا ، وہ پاکستان کےمعاملات پر وطن کے لیے ڈیلیور کرتے نظرآئے ہیں۔

Comments

یہ بھی پڑھیں