عمران خان احتجاج کرنے والے بلدیاتی نمائندوں پربرس پڑے -
The news is by your side.

Advertisement

عمران خان احتجاج کرنے والے بلدیاتی نمائندوں پربرس پڑے

پشاور: بلدیاتی کنونشن کے دوران تحریک انصاف کے سربراہ عمران خان کو احتجاج سامنا کرنا پڑ گیا،عمران خان کو یہ احتجاج ایک آنکھ نہ بھایا اوروہ مظاہرین پر برس پڑے۔

تفصیلات کے مطابق پشاور کے قیوم اسٹیڈیم میں بلدیاتی نمائندوں کا کنونشن کے موقع پرعمران خان ڈائس پر خطاب کیلئے آئے تو مشتعل کونسلرز اور ناظمین نے اپنے مطالبات کے حق میں اعزازیہ نامنظور نامنظور کے نعرے لگا دیئے۔

اس احتجاج پرعمران خان کو بھی جلال آگیا اور وہ مظاہرین پر خوب گرجے برسے، انہوں نے کہا کہ جو اختیارات ناظمین اور کونسلرز کو ملے ہیں وہ کسی کو نہیں ملے۔

کپتان نے مظاہرین کو احتجاج کے بجائے شکریہ ادا کرنے کا مشورہ دیا، عمران خان نے مظاہرین کو بتادیا کہ کوئی دباؤ نہیں ڈال سکتا ایسا سوچنے والے غلط فہمی دور کر لیں۔

احتجاج کرنے والے بتائیں وہ عوام کی خدمت کرنے آئے ہیں یا پھر اپنی؟۔ صوبے میں بہترین بلدیاتی نظام لائے ہیں۔ بلدیاتی کنونشن میں پی ٹی آئی کے وزیرمال علی امین گنڈاپور سیلفیز بناتے رہے۔

 

Comments

comments

یہ بھی پڑھیں