تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

پشاور دھماکا: کئی پولیس افسرز اور اہلکار تاحال لاپتا

پشاور کی پولیس لائن مسجد میں ہونے والے دھماکے میں تاحال کئی پولیس افسرز اور اہلکاروں کا پتا نہیں چل سکا ہے۔

اے آر وائی نیوز کے مطابق پشاور دھماکے میں لاپتا ہونے والوں میں ڈی ایس پی ایف آر پی ہیڈ کوارٹرز رب نواز خان، ڈی ایس پی سی ٹی ڈی سید عصمت شاہ بھی لاپتا ہیں۔

رب نواز خان کے بیٹے قیصر خان کا کہنا ہے کہ والد کی تلاش کے لیے دوپہر سے کھڑے ہیں کچھ پتا نہیں چل رہا، والد اپنے گارڈ عثمان کے ساتھ پہلی صف میں کھڑے تھے۔

بیٹے کا کہنا ہے کہ گارڈ عثمان کو شدید زخمی حالت میں اسپتال لایا گیا ہے لیکن والد کا تاحال کچھ پتا نہیں چل سکا ہے۔

ادھر ڈی ایس پی سی ٹی ڈی عصمت شاہ کے بیٹے محمود شاہ کا کہنا ہے کہ والد کا تاحال کچھ پتا نہیں چل رہا اطلاع ملی ہے کہ والد دوسری صف میں موجود تھے۔

واضح رہے کہ پشاور کی پولیس لائن مسجد میں ہونے والے دھماکے میں 32 افراد شہید اور 150 سے زائد زخمی ہوگئے جبکہ متعدد افراد تاحال لاپتا ہیں۔

ریسکیو اداروں کی جانب سے امدادی کارروائیاں جاری ہیں جبکہ کچھ افراد کو ملبے سے نکال کر طبی امداد کے لیے اسپتال منتقل کردیا گیا ہے۔

Comments

- Advertisement -
نعمان ناصر
نعمان ناصرhttps://arynews.tv/
صحافی و بلاگر، 6 سال سے اے آر وائی نیوز سے وابستہ ہیں