پشاور میں مالک مکان نے کرایہ دار کی دو بیویوں کو مبینہ طور پر اجتماعی زیادتی کا نشانہ بنا دیا۔
پشاور کے نواحی علاقے گڑھی موسم خان میں دو خواتین کے ساتھ مبینہ زیادتی کا واقعہ پیش آیا ہے۔ ایس ایس پی آپریشنز فرحان خان کے مطابق پولیس نے مبینہ زیادتی کے واقعے میں چار ملزمان کو گرفتار کرلیا ہے جبکہ گرفتار ملزمان کے خلاف مقدمہ درج کرکے تفتیش شروع کردی گئی ہے۔
پولیس کے مطابق گرفتار ملزمان مالک مکان تھے جنہوں نے کرائے دار خواتین کو مبینہ زیادتی کا نشانہ بنایا۔
واقعے میں کم عمر بچی کو ایک کمرے میں باپ کی ساتھ باندھا گیا، ایف آئی آر میں چائلڈ پروٹیکشن ایکٹ کی دفعہ بھی شامل کی گئی ہے۔
ایس ایس پی انویسٹی گیشن ڈاکٹر سمیع کا کہنا ہے کہ واقعے کی تحقیقات کے لیے ایس پی کی سربراہی میں تحقیقاتی ٹیم تشکیل دی گئی ہے، جائے وقوعہ سے تمام شواہد اکٹھے کرلیے گئے ہیں جبکہ ٹیسٹ کے لیے سیمپلز پنجاب فرانزک بھجوائے گئے ہیں۔
