The news is by your side.

Advertisement

پشاور ہائی کورٹ کا شاہی باغ میں قائم شادی ہال اور دیگر تجاوزات گرانے کاحکم

پشاور: پشاور ہائی کورٹ کا شاہی باغ میں قائم شادی ہال اور دیگر تجاوزات گرانے کا حکم دے دیا۔

تفصیلات کے مطابق پشاور ہائی کورٹ میں پارکوں کی خوبصورتی بحال کرنے اور شاہی باغ سے تجاوزات ہٹانے پر سماعت کے دوران جسٹس قیصر رشید نے ریمارکس دیے کہ پارک ایک ورثہ ہے،خوبصورتی بحال کرنے کے اقدامات کریں۔

جسٹس قیصر رشید نے کہا کہ محکمے اچھا کام کریں گے تو ہم اس کو سراہیں گے۔انہوں نے ریمارکس دیے کہ ہمیں بی آر ٹی سے کوئی کام نہیں، پارکوں کی خوبصورتی بحال کریں،بی آر ٹی کو بعد میں دیکھیں گے کہ یہ لوگوں کو سہولت دیتا ہے یا نہیں۔

پشاور ہائی کورٹ نے شاہی باغ میں قائم شادی ہال اوردیگر تجاوزات گرانے اور سیکرٹری جنگلات کو شاہی باغ میں درخت لگانے کا حکم دے دیا۔

اس سے قبل 26 جون کو پشاور میں ٹاؤن ون انتظامیہ نے عدالتی احکامات پر عملدرآمد کرتے ہوئے پردہ باغ میں قائم شادی ہال کو مسمار کر کے وسیع اراضی کوشالیمار گارڈن میں ضم کر دیا۔

Comments

یہ بھی پڑھیں