The news is by your side.

Advertisement

پشاور ہائی کورٹ نے نیب کو پشاور بس منصوبے کی تحقیقات کا حکم دے دیا

پشاور : پشاور ہائی کورٹ نے نیب خیبر پختون خوا کو پشاور میٹرو بس منصوبے کی انکوائری کا حکم دے دیا، عدالت نے فیصلے میں کہا کہ ایسی فرم کو  ٹھیکا دیا گیا جو دیگر صوبوں میں بلیک لسٹ ہے۔

تفصیلات کے مطابق پشاور ہائی کورٹ میں چیف جسٹس وقار احمد سیٹھ کی سربراہی میں دو رکنی بینچ نے بس ریپڈ ٹرانزٹ منصوبے میں کرپشن تحقیقات کیس کا محفوظ تفصیلی فیصلہ جاری کردیا۔

تفصیلی فیصلے میں نیب خیبر پختون خوا کو بی آرٹی پراجیکٹ کی انکوائری کاحکم دے دیا۔

فیصلے میں کہا گیا کہ منصوبے کی لاگت 49 بلین سے بڑھ کر 67 بلین تک کیسے جاپہنچی تحقیقات کی جائیں کہ منصوبے کا ٹھیکہ ایک ایسی فرم کو کیوں دیا گیا جو دیگر صوبوں میں بلیک لسٹ ہے۔

عدالتی حکم نامے میں کہا گیا کہ دیگرعوامی منصوبوں کےفنڈبی آرٹی پرکیوں لگائےگئے، منصوبہ مقررتاریخ چوبیس جون تک مکمل کیوں نہیں ہوا، نیب واقعے کی شفاف تحقیقات کرکے رپورٹ 5 ستمبر کو پیش کرے۔

یاد رہے کہ بی آر ٹی میں مبینہ کرپشن کے خلاف جے یو آئی کے رہنما مولانا امان اللہ حقانی نے رٹ دائر کی تھی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں