site
stats
اہم ترین

مصطفیٰ کمال کے الزامات پرجوڈیشنل کمیشن بنایا جائے، عمران خان

پشاور: پاکستان تحریک انصاف کے چیئرمین عمران خان نے کہا ہے کہ جسے ایم کیو ایم قائد کا جانشین کہا جاتا تھا اسی نے سچ اُگل دیا، بھارت میں را نےقائد ایم کیوایم کے پوسٹرلگوائے تھے۔

ان خیالات کا اظہار انہوں نے پشاور میں پریس کانفرنس کرتے ہوئے کیا، عمران خان نے کہا کہ میں سات سال قبل پہلا پاکستانی تھا جس نے ایم کیو ایم کے قائد کو دہشت گرد کہا اور آج ان کے گھر کا بھیدی سچ سامنے لے آیا، مصطفی کمال کے بیانات پر جوڈیشل کمیشن بنایا جائے۔

عمران خان کا کہنا تھا کہ وزیر اعلیٰ پنجاب شہباز شریف کے نیب متعلق بیان کی شدید الفاظ میں مذمت کرتے ہیں، شریف برادران جمہوریت کو نہیں سمجھتے۔

چئیرمین پی ٹی آئی نے کہا کہ موجودہ حکمران نیب سے ڈرے ہوئے ہیں،نیب کو چاہئے کہ میٹرو ٹرین، پاور پلانٹس اور سی پیک منصوبے کی تحقیقات کرے ساری کڑیاں شریف برادران سے ملیں گی۔

عمران خان نے بتایا کہ وہ کچھ عرصہ قبل بھارت ایک کانفرنس میں گئے تھے جہاں ایم کیو ایم قائد کے پوسٹر لگے ہوئے تھے ۔ بھارتی صحافی نے بتایا کہ پوسٹر ’’را‘‘ نے لگوائے ہیں۔

عمران خان نے دعوٰی کیاایم کیو ایم پر کیس کیا تو اسکاٹ لینڈ یارڈ دو ہزار سات میں پاکستان آنے کو تیار تھی لیکن حکومت نےاجازت نہ دی، عمران خان نے مطالبہ کیا کہ مصطفیٰ کمال کے الزامات پر جوڈیشنل کمیشن بنایا جائے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top