The news is by your side.

Advertisement

ڈھائی ہزار قیدیوں‌ نے ڈگریاں حاصل کر لیں

پشاور: سینٹرل جیل پشاور کے ڈھائی ہزار کے قریب قیدیوں‌ نے پڑھ لکھ کر ڈگریاں‌ حاصل کر لیں۔

تفصیلات کے مطابق سینٹرل جیل پشاور میں 2434 قیدیوں نے ڈگریاں حاصل کر لی ہیں، 528 قیدیوں نے میٹرک کر لیا ہے، جب کہ 273 قیدیوں نے ایف اے پاس کر لیا۔

سینٹرل جیل کے قیدیوں میں 106 نے بی اے اور 12 قیدیوں نے ماسٹر ڈگری بھی حاصل کی ہے۔

واضح رہے کہ سینٹرل جیل پشاور میں قیدیوں کو دینی اور دنیاوی دونوں تعلیم دی جا رہی ہے، جیل میں قیدیوں کے لیے ایک بڑی لائبریری بھی موجود ہے۔

یاد رہے کہ گزشتہ برس سینٹرل جیل پشاور میں ملک کا پہلا پریزن انڈسٹریل بیسمنٹ بھی بنایا گیا تھا، اس بیسمنٹ کی تعمیر کا مقصد چھوٹی صنعتوں کا قیام عمل میں لانا تھا، جہاں قیدیوں کو مختلف کارخانوں میں کام کرنے کے مواقع کے ساتھ ساتھ مختلف شعبوں میں ٹریننگ بھی دی جاتی ہے۔

Comments

یہ بھی پڑھیں