The news is by your side.

Advertisement

پشاور: مولانا صوفی محمد کی درخواست ضمانت منظور

پشاور : کالعدم نفاذ شریعت محمدی کے امیر مولانا صوفی محمد کی ضمانت کی درخواست پشاور ہائیکورٹ نے منظور کرلی، مولانا صوفی محمد کو چار مارچ 2010کو گرفتارکیا گیا تھا۔

تفصیلات کے مطابق پشاور ہائیکورٹ میں مولانا صوفی محمد کیس کی سماعت ہوئی، مولانا کے وکیل نے درخواست میں مؤقف اختیار کیا کہ مولانا صوفی محمد بیماراور گزشتہ کئی عرصے سے جیل میں ہیں۔

عمرکا تقاضا ہے کہ مولانا صوفی محمد کو ضمانت دی جائے، فریقین کے دلائل سننے کے بعد پشاور ہائیکورٹ نے مولانا صوفی محمد کی درخواست ضمانت منظور کرلی، مولانا صوفی محمد نے ضمانت کیلئے ہائی کورٹ میں درخواست دائر کی تھی۔

واضح رہے کہ3 جولائی2009کو مولانا صوفی محمد کیخلاف حکومت مخالف تقاریر ودیگر الزامات پر ایف آئی آر درج کی گئی تھی۔

بعد ازاں مولانا صوفی محمد کو4مارچ 2010کو گرفتارکیا گیا، صوفی محمد سمیت ان کے دو بیٹوں اور کمانڈر سفیر اللہ کو بھی اس مقدمے میں نامزدکیا گیا تھا۔

مولانا کیخلاف غیر قانونی جلسے، کارسرکار میں مداخلت اور دہشت گردی کے تین مقدمات پشاور سینٹرل جیل میں زیر سماعت تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

Print Friendly, PDF & Email

Comments

comments

یہ بھی پڑھیں