The news is by your side.

Advertisement

وزیر اعظم نے زلزلہ متاثرین کیلئے امدادی پیکیج کا اعلان کردیا

پشاور: وزیر اعظم میاں نواشریف نے زلزلہ سے جاں بحق ہونے والوں کے لواحقین اور متاثرین کیلئے امدادی پیکیج کا اعلان کردیا۔

تفصیلات کے مطابق پشاور میں اعلیٰ سطحی اجلاس کے بعد میڈیا سے گفتگو کرتے ہوئے وزیراعظم نواز شریف نے کہا کہ ہم زلزلہ متاثرین کے دکھ میں برابر کے شریک ہیں۔

انہوں نے کہا کہ زلزلہ میں جاں بحق ہونے والوں کے لواحقین کو فی کس چھ لاکھ روپے دیئے جائیں گے جبکہ زخمیوں کو علاج معالجے کیلئے فی کس ایک لاکھ روپے معاوضہ دیاجائےگا، اور جن افراد کے جسم کا کوئی عضو ضائع ہوگیا ہوگا، ان کو 2 لاکھ روپے فی کس امداد دی جائے گی۔

اس کے علاوہ مکمل تباہ گھروں کی تعمیر کیلئے 2 لاکھ روپے جبکہ جزوی تباہ گھروں کیلئے ایک لاکھ روپے دیے جائیں گے۔ انہوں نے بتایا کہ معاوضہ کی رقم کا پچاس فیصد حصہ وفاق اورپچاس فیصد صوبہ فراہم کرے گا، اور جمعرات تک متاثرین کو رقوم کی فراہمی کردی جائے گی۔

کسی بھی گھپلے اور فراڈ سے بچنے کیلئے امداد کی تقسیم کیلئے ایک تین رکنی تصدیقی کمیٹی بنائی جائے گی جس میں پاک فوج، انتظامیہ اور مقامی لوگوں کا ایک ایک نمائندہ شامل ہوگا جومکمل تصدیق کے بعد متاثرین کو چیک فراہم کرے گا جبکہ تمام اضلاع میں امداد کی تقسیم کا کام ایک ساتھ شروع کیا جائے گا۔

انہوں نے کہا کہ یہ ایسا وقت ہے کہ اس میں سیاسی اختلافات کو بالائے طاق رکھتے ہوئے تمام جماعتوں کو مل کر کام کرنا چاہیے ۔ زلزلہ آنے کے بعد تمام اداروں نے جس طریقے سے امدادی کا م شروع کیا ہے وہ قابلِ تحسین ہے ۔

امدادی کاموں پر پاک فوج ، وزیر اعلیٰ ، گورنر کے پی کے ، این ڈی ایم اے اور دیگر اداروں کا شکر گزار ہوں۔

میڈیا سے گفتگو میں ان کا کہناتھا کہ امدادی کاموں کی نگرانی میں خود کروں گا، انہوں نے کہا کہ سیایسی وابستگیوں کے دن چلے گئے، ملک کی ترقی کیلئے ہم سب کو مل کر کام کرنا ہوگا۔

Print Friendly, PDF & Email

Comments

comments

یہ بھی پڑھیں