The news is by your side.

Advertisement

پشاور: کم عمر لڑکی سے شرمناک سلوک، ملزم نے نیم برہنہ گلیوں میں گھمایا

پشاور : بچوں کی لڑائی میں درندہ صفت ملزم نے چودہ سالہ لڑکی کو تشدد کے بعد کپڑے پھاڑ کر گلیوں میں گھمایا، پولیس تین دن بعد بھی مرکزی ملزم کو گرفتار نہ کرسکی۔

تفصیلات کے مطابق پشاور کے علاقے ہشت نگری میں بچوں کی لڑائی میں ملزم نے بچی کے کپڑے پھاڑ ڈالے اور اسے نیم برہنہ حالت میں علاقے میں گھماتا رہا۔

بچی کی والدہ کا کہنا ہے کہ میں اپنے بھائی کے گھر سے آرہی تھی کہ مظہر پیچھے سے آیا اور میری بیٹی کی چادر پھاڑی اور کپڑے بھی پھاڑ ڈالے،انہوں نے مطالبہ کیا کہ مجھے انصاف چاہیئے۔

اس حوالے سے پولیس افسر نے بتایا کہ فریقین آپس میں رشتہ دار ہیں، لڑائی کے بعد دونوں کی جانب سے پولیس میں رپورٹ درج کرائی گئی تھی، جس کے بعد مظہر نامی شخص نے ان کی بچی کے ساتھ شرمناک سلوک کیا، بڑوں کی لڑائی میں بچی سے انتقام لیا گیا، ہم نے دو ملزمان کو پکڑ لیا ہے تاہم مرکزی ملزم تاحال مفرور ہے۔

یاد رہے کہ واقعے کو تین روز گزر گئے ہیں لیکن تاحال پولیس ملزم کو پکڑنے میں ناکام ہے۔

Comments

comments

یہ بھی پڑھیں