واشنگٹن (06 مئی 2026): امریکی محکمہ خارجہ نے پشاور میں قائم امریکی قونصل خانے کو مرحلہ وار بند کرنے کا اعلان کر دیا ہے۔
اعلامیے کے مطابق خیبر پختونخوا کے ساتھ سفارتی روابط کی ذمہ داری اب اسلام آباد میں واقع امریکی سفارت خانے کو منتقل کی جائے گی۔
محکمہ خارجہ کا کہنا ہے کہ یہ فیصلہ سفارتی عملے کی سلامتی کو یقینی بنانے اور وسائل کے مؤثر استعمال کے تناظر میں کیا گیا ہے۔ اعلامیے میں مزید کہا گیا ہے کہ اگرچہ پشاور میں امریکی موجودگی میں تبدیلی آ رہی ہے، تاہم پاکستان میں امریکی انتظامیہ کی پالیسی ترجیحات بدستور برقرار رہیں گی۔
The @StateDept has announced the phased closure of the U.S. Consulate General in Peshawar. As we transition to a new chapter, with the U.S. Consulate General’s operations shifting to @USEmbIslamabad, we will continue our important diplomatic work in partnership with the people…
— Bureau of South and Central Asian Affairs (SCA) (@State_SCA) May 6, 2026
امریکی محکمہ خارجہ کے مطابق خیبر پختونخوا کی حکومت اور عوام کے ساتھ بامعنی روابط جاری رکھے جائیں گے، جن کا مقصد اقتصادی تعلقات کو فروغ دینا، علاقائی سلامتی کو مضبوط بنانا اور امریکی مفادات کو آگے بڑھانا ہے۔
ایران آبنائے ہرمز میں مجرمانہ اقدامات کررہا ہے، امریکا
محکمہ خارجہ نے اس عزم کا بھی اظہار کیا کہ پاکستان میں امریکی مشن، اسلام آباد، کراچی اور لاہور میں موجود اپنے سفارتی دفاتر کے ذریعے دوطرفہ تعلقات کو مزید مستحکم بنانے کے لیے کام جاری رکھے گا۔
جہانزیب علی اے آر وائی نیوز امریکا میں بطور بیورو چیف فرائض انجام دے رہے ہیں
