The news is by your side.

Advertisement

کوئٹہ کے خلاف کیا پلان تھا؟ پشاور زلمی کے حیدر علی نے بتادیا

کراچی: کوئٹہ گلیڈی ایٹرز کے خلاف برق رفتار نصف سینچری بنانے والے پشاور زلمی کے حیدر علی نے میچ سے متعلق بڑا بیان دیا ہے۔

تفصیلات کے مطابق کوئٹہ گلیڈی ایٹرز کے خلاف جیت میں اہم کردار ادا کرنے والے اور پلیئر آف دی میچ کا ایوارڈ حاصل کرنے والے حیدر علی نے بتایا کوئٹہ گلیڈی ایٹرز کے خلاف ہمارا یہی پلان تھا کہ میچ کو آخر تک لے کر جائیں جس میں کامیاب رہے۔

حیدر علی نے پشاور زلمی کے خلاف جیت کا کریڈٹ پوری ٹیم کو دیتے ہوئے کہا کہ تمام کھلاڑیوں نے اپنا بھرپور کردار ادا کیا، کھلاڑیوں کی کوشش ہوتی ہے کہ ہر میچ میں اپنی سو فیصد کارکردگی دکھائیں، میری کوشش ہے کہ اگر ٹاپ بیٹسمین نہ بھی بنوں تو پانچ بہترین بلے بازوں کی فہرست میں آؤں۔کوئٹہ گلیڈی ایٹرز کے خلاف مین آف دی میچ کا ایوارڈ حاصل کرنے والے حیدر علی کا کہنا تھا کہ شعیب ملک تجربہ کار کھلاڑی ہیں، وہ فیلڈ اور فیلڈ سے باہر مفید مشورے دیتے ہیں۔

نوجوان بیٹسمین نے مزید کہا کہ شعیب ملک تجربہ کار کھلاڑی ہیں، وہ فیلڈ اور فیلڈ سے باہر مفید مشورے دیتے ہیں۔

حیدر علی نے بھارتی بیٹسمین روہت شرما کو اپنا پسندیدہ کھلاڑی قرار دیتے ہوئے کہا کہ میری خواہش ہے کہ میں بھی اسی کی طرح کھیلوں۔

واضح رہے کہ نیشنل اسٹیڈیم کراچی میں گذشتہ روز کھیلے گئے ہائی اسکورنگ میچ میں حیدر علی نے 29 گیندوں پر 50 رنز کی عمدہ اننگز کھیل کر کوئٹہ گلیڈی ایٹرز کے خلاف اپنی ٹیم کی فتح کی بنیاد ڈالی تھی۔

پشاور زلمی نے 199 رنز کا ہدف آخری اوور میں سات وکٹوں کے نقصان پر حاصل کرلیا تھا، پی ایس ایل سیزن میں کوئٹہ ابھی تک کوئی میچ نہیں جیت سکی ہے۔

Comments

یہ بھی پڑھیں