پاکستان سپر لیگ سیزن 7 میں پشاور زلمی کو بڑا دھچکا لگ گیا، اہم فاسٹ بولر ثاقب محمود ٹیم کو چھوڑ کر وطن لوٹ گئے۔
24 سالہ کھلاڑی 8 مارچ سے شروع ہونے والی ویسٹ انڈیز کے خلاف ٹیسٹ سیریز کی تیاری کے لیے کل رات انگلینڈ روانہ ہوگئے۔
دائیں ہاتھ کے فاسٹ بولر ثاقب محمود اسٹورٹ براڈ اور جیمز اینڈرسن کو ٹیم سے باہر کیے جانے کے بعد اپنا ڈیبیو کر سکتے ہیں۔
دریں اثنا ثاقب محمود نے پشاور زلمی کے لیے نیک تمناؤں کا اظہار کیا اور اچانک وطن واپسی سے متعلق آگاہ کیا۔
My time cut short @thePSLt20 @PeshawarZalmi this year, heading home to prepare for the Test Series against West Indies in a few weeks. Wishing the boys the best of luck for the rest of the tournament 💛 pic.twitter.com/DLE30U6DB4
— Saqib Mahmood (@SaqMahmood25) February 16, 2022
انہوں نے ٹویٹ میں لکھا کہ چند ہفتوں بعد ویسٹ انڈیز کے خلاف ٹیسٹ سیریز کی تیاری کے لیے وطن لوٹ رہا ہوں، باقی ٹورنامنٹ کے لیے پشاور زلمی اور ساتھیوں کے لیے نیک خواہشات ہیں۔
واضح رہے کہ آج پشاور زلمی اور اسلام آباد کی ٹیمیں قذافی اسٹیڈیم میں مدمقابل ہوں گی تو دونوں ٹیموں کو اہم غیرملکی کھلاڑیوں کی خدمات حاصل نہیں ہوں گی۔
