اسلام آباد: سانحہ پشاور پولیس لائنز پر وزیراعظم نے تمام سیاسی جماعتوں سے بڑی اپیل کردی۔
تفصیلات کے مطابق سماجی رابطے کی ویب سائٹ ٹوئٹر پر جاری بیان میں وزیراعظم نے کہا کہ دہشتگرد گھناؤنے ہتھکنڈوں سے خوف و ہراس پھیلانا چاہتے ہیں،وہ انتہا پسندی کے خلاف ہماری کامیابیوں کو ناکام بنانے کے در پے ہے۔
وزیراعظم نے تمام سیاسی جماعتوں کو مخاطب کرتے ہوئے کہا کہ ہم اپنی سیاسی لڑائی بعد میں لڑیں گے سیاسی قوتوں کیلئے پیغام ہے کہ ملک دشمن قوقوں کیخلاف متحد ہوجائیں۔
Through their despicable actions, terrorists want to spread fear & paranoia among the masses & reverse our hard-earned gains against terrorism & militancy. My message to all political forces is one of unity against anti-Pakistan elements. We can fight our political fights later.
— Shehbaz Sharif (@CMShehbaz) January 31, 2023
دوسری جانب پشاور خودکش حملے میں شہید ہونیوالوں کی تعداد100ہوگئی ہے۔
ترجمان ایل آر ایچ کے مطابق گزشتہ روز ہونیوالے حملےکے 169 زخمی اسپتال لائےگئے ان میں سے 53 زیر علاج ہیں، زیر علاج زخمیوں میں سات کی حالت تشویشناک ہے۔
ترجمان لیڈی ریڈنگ اسپتال زیادہ تر زخمیوں کی حالت خطرے سے باہر ہے، اسپتال انتظامیہ کی جانب سے زخمیوں کو مفت طبی سہولتوں فراہم کی جارہی ہیں۔
