لاہور : ہائیکورٹ نے بجلی کے بلوں میں کیپسٹی چارجز اور ٹیرف کیخلاف درخواست مسترد کردی اور کہا پالیسی سازی عدلیہ نہیں حکومت اور پارلیمنٹ کا اختیار ہے۔
تفصیلات کے مطابق لاہور ہائیکورٹ میں بجلی کے بلوں میں کیپسٹی چارجز اور ٹیرف کے خلاف درخواست پر سماعت ہوئی۔
عدالت نے درخواست ناقابل سماعت قرار دیکر مسترد کر دی اور کہا توانائی شعبے میں پالیسی سازی عدلیہ نہیں حکومت اور پارلیمنٹ کا اختیار ہے۔
عدالت کا کہنا تھا کہ اقتصادی مالیاتی اور ریگولیٹری پالیسیوں پر اپیلٹ فورم کے طور پر کام نہیں کر سکتی، محض کسی پالیسی سے اختلاف پر آئینی درخواست دائر کرنے کا جواز نہیں ہے۔
خیال رہے لاہور ہائی کورٹ میں درخواست میں بجلی کے بلوں میں کیپسٹی چارجز اور ٹیرف کو چیلنج کیا گیا تھا۔
