The news is by your side.

Advertisement

تحریک انصاف کے منحرف ارکان اسمبلی کی نااہلی کیخلاف سپریم کورٹ میں درخواست دائر

اسلام آباد : تحریک انصاف کے منحرف ارکان اسمبلی نے نااہلی کیخلاف سپریم کورٹ میں درخواست دائر کردی۔

تفصیلات کے مطابق منحرف ارکان اسمبلی نے نااہلی کیخلاف سپریم کورٹ میں درخواست دائر کردی ، درخواست ذوالفقاربھٹہ ایڈووکیٹ کی جانب سےدائر کی گئی ہے، جس میں وفاقی حکومت کو فریق بنایا گیا ہے۔

درخواست میں الیکشن کمیشن کا نااہلی کا فیصلہ معطل کرنے اور نااہل قرار دیے گئے ارکان کو اجلاس میں شرکت کی اجازت دینے کی استدعا کی گئی ہے۔

درخواست میں موقف اختیار کیا گیا ہے کہ آرٹیکل63 اے سے متعلق سزا کا تعین پارلیمنٹ کو کرنا چاہیے، ہر رکن پارلیمنٹ کو آزادانہ ووٹ کی اجازت ہونی چاہیے۔

دائر درخواست میں کہا گیا ہے کہ اسلام کی تعلیمات کےمطابق حق کا ساتھ دینا لازمی ہے، ملک وقوم کی بہتری کیلئے پارٹی پالیسی پر عملدرآمد کرنا ضروری نہیں، ملکی حالات کے پیش نظر پارلیمنٹ کو آزادانہ فیصلے کرنے چاہیں۔

واضح رہے الیکشن کمیشن نے 20 مئی کو اپنے فیصلے میں پنجاب اسمبلی کے منحرف اراکین کے خلاف دائر ریفرنس کا فیصلہ سناتے ہوئے پی ٹی آئی کے 25 منحرف اراکین کو نااہل قرار دیا تھا اور انہیں ڈی سیٹ کرنے کا حکم جاری کیا تھا۔

Comments

یہ بھی پڑھیں